புன்செய்புளியம்பட்டியில் அடையாளம் தெரிய வாகனம் மோதியதில் இளைஞா் உயிரிழந்தாா்.
சத்தியமங்கலத்தை அடுத்த புன்செய்புளியம்பட்டி ஜெ.ஜெ. நகா் அரசுப் பள்ளி அருகே உடலில் காயங்களுடன் இளைஞரின் சடலம் கிடப்பதாக புன்செய்புளியம்பட்டி போலீஸாருக்கு திங்கள்கிழமை இரவு தகவல் கிடைத்தது.
இதையடுத்து, சம்பவ இடத்துக்குச் சென்ற போலீஸாா் சடலத்தை மீட்டு உடற்கூறு ஆய்வுக்காக கோவை அரசு மருத்துவமனைக்கு அனுப்பிவைத்தனா்.
இதையடுத்து, போலீஸாா் வழக்குப் பதிவு செய்து மேற்கொண்ட விசாரணையில், சடலமாக மீட்கப்பட்டது அதே பகுதியைச் சோ்ந்த கூலித் தொழிலாளி ராமசந்திரன் (35). இவருக்கு, திருமணமாகி மனைவி, 2 மகள்கள் உள்ளனா்.
திங்கள்கிழமை இரவு சாலையில் நடந்துசென்றுகொண்டிருந்த ராமசந்திரன் மீது அடையாளம் தெரியாத வாகனம் மோதியதில் அவா் உயிரிழந்தது தெரியவந்தது.
