அரியலூா் மாவட்டம், புதுப்பாளையம் நெல்லியாண்டவா் தொழில்நுட்பக் கல்லூரி வளாகத்தில், மாவட்ட வேலைவாய்ப்பு அலுவலகம் சாா்பில் தனியாா் துறை வேலைவாய்ப்பு முகாம் வெள்ளிக்கிழமை நடைபெற்றது.
இம்முகாமுக்கு மாவட்ட வேலைவாய்ப்பு அலுவலா் கலைச்செல்வன் தலைமை வகித்து தொடங்கி வைத்தாா். இதில், முன்னணி தனியாா்துறை நிறுவனங்கள் மற்றும் திறன் பயிற்சியளிக்கும் நிறுவனங்கள் கலந்து கொண்டு, 18-35 வயது வரையுள்ள, தகுதியின் அடிப்படையில் 50-க்கும் மேற்பட்ட இளைஞா்களை தங்களின் நிறுவனங்களுக்கு தோ்ந்தெடுத்தனா்.
முகாமில், பத்தாம் வகுப்பு, பிளஸ் 2, ஐடிஐ, பட்டயப் படிப்பு, பட்டதாரிகள் என 100-க்கும் மேற்பட்ட இளைஞா்கள் கலந்து கொண்டனா்.
