அரியலூா் வருவாய் வட்டத்தில் 2 ஆவது நாளாக வியாழக்கிழமையும் நடைபெற்ற உங்களைத் தேடி உங்கள் ஊரில் திட்டச் சிறப்பு முகாமில், பல்வேறு அரசு அலுவலகங்களில் ஆட்சியா் பொ. ரத்தினசாமி கள ஆய்வு செய்தாா்.
ஓட்டக்கோவில் மேல்நிலை நீா்த்தேக்க தொட்டி, சாலையக்குறிச்சியில் குடிநீா் குழாய்கள் மூலம் மக்களுக்கு வழங்கப்படும் குடிநீரின் தரம், ஊராட்சி ஒன்றியத் தொடக்கப் பள்ளியில் மாணவா்களுக்கு காலை உணவுத் திட்டத்தில் தயாரிக்கப்படும் உணவு, சமையல் கூடம், காவேரிப்பாளையத்தில் குடிநீா் விநியோகம், சென்னிவனம் ஊராட்சி ஒன்றிய நடுநிலைப்பள்ளி மற்றும் ராயம்புரம் ஊராட்சி ஒன்றிய தொடக்கப் பள்ளிகளில் முதல்வரின் காலை உணவுத் திட்டம் ஆகியவற்றை ஆய்வு செய்தாா்.
மாவட்ட ஊரக வளா்ச்சி முகமைத் திட்ட இயக்குநா் ரா. சிவராமன், ஊரக வாழ்வாதார இயக்கத் திட்ட இயக்குநா் ரவிச்சந்திரன், ஊராட்சிகள் உதவி இயக்குநா் பழனிசாமி, வட்டாட்சியா் முத்துலெட்சுமி உள்ளிட்டோா் உடனிருந்தனா்.
