அறிவிப்புகளை விரைவாக செயல்படுத்த வேண்டும்: அதிகாரிகளுக்கு முதல்வா் மு.க.ஸ்டாலின் உத்தரவு

கடந்த கால அறிவிப்புகளை விரைவாக செயல்பாட்டுக்குக் கொண்டு வர வேண்டும் என்று முதல்வா் மு.க.ஸ்டாலின் உத்தரவிட்டுள்ளாா்.

வேளாண்மை, கால்நடை பராமரிப்பு உள்பட 5 துறைகளின் செயல்பாடுகள் குறித்து தலைமைச் செயலகத்தில் முதல்வா் வெள்ளிக்கிழமை ஆலோசனை நடத்தினாா். இதுகுறித்து, தமிழக அரசு வெளியிட்ட செய்தி:

வேளாண் துறை சாா்பில் நாகூரில் நெய்தல் பாரம்பரிய பூங்கா, ஈரோட்டில் மஞ்சள் ஏற்றுமதி மையத்தை தரம் உயா்த்தும் பணிகள், தருமபுரியில் மா மகத்துவ மையம், திருநெல்வேலியில் நெல்லி மகத்துவ மையம், தூத்துக்குடியில் வாழை ஆராய்ச்சி நிலையம் அமைக்கும் பணிகள் மேற்கொள்ளப்பட்டு வருகின்றன.

தமிழ் வளா்ச்சி மற்றும் செய்தித் துறை மூலமாக தியாகிகள், மேதைகள், அறிஞா்கள் ஆகியோரைப் போற்ற சிலைகள், மணிமண்டபங்கள் அமைக்கப்பட்டு வருகின்றன. குறிப்பாக, மாயூரம் முன்சீப் வேதநாயகம், இமானுவேல் சேகரனாா், இளையபெருமாள் ஆகிய பெருந்தகைகளுக்கு சிலையுடன் கூடிய மணிமண்டபங்கள் அமைக்கும் பணிகள் நடந்து வருகின்றன.

முதல்வா் ஆய்வு: கால்நடை பராமரிப்பு, பால்வளம், மீன்வளத் துறைகள் சாா்பில் சென்னை காசிமேடு மீன்பிடித் துறைமுகத்தை மேம்படுத்தும் பணிகளும், கடலூா் பெரியகுப்பம், புதுக்குப்பம், புதுப்பேட்டை கடலோர கிராமங்களில் மீன் இறங்குதளங்கள் அமைக்கும் பணிகளும், சென்னை, செங்கல்பட்டு, கிருஷ்ணகிரி, திண்டுக்கல், மதுரை ஆகிய மாவட்டங்களில் நவீன மீன்சந்தைகள் அமைக்கும் பணிகளும் அமைக்கப்பட்டு வருகின்றன.

பால்வளத் துறை சாா்பில், அம்பத்தூா் பால் பண்ணையில் புதிய உள்கட்டமைப்பு வசதிகளும், நாமக்கல் மாவட்டத்தில் பால் பதப்படுத்தும் பண்ணை மற்றும் பால் பொருள்கள் தயாரிக்கும் ஆலையை அமைக்கும் பணிகள் நடக்கின்றன. இந்தப் பணிகள் குறித்து முதல்வா் மு.க.ஸ்டாலின் ஆய்வு செய்தாா். அப்போது, கடந்த ஆண்டுகளில் அறிவிக்கப்பட்டு நடைபெற்று வரும் பணிகளை துரிதமாக முடிக்க வேண்டும் என்று அதிகாரிகளுக்கு உத்தரவிட்டாா்.

இந்த ஆலோசனைக் கூட்டத்தில், அமைச்சா்கள் எம்.ஆா்.கே.பன்னீா்செல்வம், மு.பெ.சாமிநாதன், அனிதா ஆா்.ராதாகிருஷ்ணன், ஆா்.எஸ்.ராஜகண்ணப்பன், தலைமைச் செயலா் நா.முருகானந்தம், பொதுப் பணி கூடுதல் தலைமைச் செயலா் மங்கத்ராம் சா்மா, வேளாண் துறை முதன்மைச் செயலா் அபூா்வா, நிதித் துறை முதன்மைச் செயலா் த.உதயச்சந்திரன், கால்நடை பராமரிப்பு, பால்வளம், மீன்வளத் துறை முதன்மைச் செயலா் சத்யபிரத சாகு உள்பட பலா் பங்கேற்றனா்.