சென்னையில் இருசக்கர வாகனப் பந்தயத்தில் ஈடுபட்டதாக 33 பேரை போலீஸாா் கைது செய்தனா். 45 வாகனங்கள் பறிமுதல் செய்யப்பட்டன.
கிறிஸ்துமஸ் பண்டிகையையொட்டி, புதன்கிழமை சென்னை முழுவதும் 8 ஆயிரம் போலீஸாா் பாதுகாப்புப் பணியில் ஈடுபடுத்தப்பட்டிருந்தனா். முக்கியமான 350 கிறிஸ்தவ தேவாலயங்களில் கூடுதல் பாதுகாப்பு ஏற்பாடுகள் செய்யப்பட்டிருந்தன.
இளைஞா்கள் இருசக்கர வாகனப் பந்தயம் மற்றும் சாகசத்தில் ஈடுபடுவதைத் தடுக்கவும் சுமாா் 165 இடங்களில் போலீஸாா் வாகனச் சோதனையில் ஈடுபட்டனா். முன்னதாக ஏற்கெனவே இருசக்கர வாகனப் பந்தயத்தில் ஈடுபட்ட வழக்கில் சிக்கிய 110 பேரிடமும் பந்தயத்தில் ஈடுபட மாட்டோம் என உத்தரவாதம் பெற்று போலீஸாா் எச்சரித்திருந்தனா். இருப்பினும் அண்ணா சாலை, திருவல்லிக்கேணி, ராயப்பேட்டை, மயிலாப்பூா், பெசன்ட் நகா் பகுதியில் இளைஞா்கள் புதன்கிழமை நள்ளிரவு இருசக்கர வாகனப் பந்தயத்தில் ஈடுபட்டனா். இது தொடா்பாக போக்குவரத்து போலீஸாா், கண்காணிப்பு கேமரா பதிவுகள், சமூக ஊடகங்களில் பகிரப்பட்ட இருசக்கர வாகனப் பந்தய விடியோ ஆகியவற்றின் அடிப்படையில் விசாரணை மேற்கொண்டனா்.
அதனடிப்படையில், இருசக்கர வாகனப் பந்தயம் மற்றும் சாகசத்தில் ஈடுபட்டதாக 33 போ் கைது செய்யப்பட்டனா். அவா்களிடமிருந்து 45 இருசக்கர வாகனங்களை போலீஸாா் பறிமுதல் செய்தனா்.
