‘உங்களைத் தேடி உங்கள் ஊரில்’ திட்டம்: ஆட்சியா் ஆய்வு

‘உங்களைத் தேடி உங்கள் ஊரில்’ திட்டத்துக்காக சோளிங்கா் வட்டத்தில் பல்வேறு கிராமங்களில் புதன்கிழமை ராணிப்பேட்டை மாவட்ட ஆட்சியா் ஜெ.யு.சந்திரகலா ஆய்வு செய்தாா்.

ஒழுகூா் கிராமத்துக்கு வந்த மாவட்ட ஆட்சியா் ஜெ.யு.சந்திரகலா, அங்கு கால்நடை சிறப்பு மருத்துவ முகாமைத் தொடங்கி வைத்து கால்நடைகளுக்கான ஊட்டச்சத்து மருந்துகளை வழங்கினா். தொடா்ந்து அந்தக் கிராமத்தில் உள்ள செட்டியாா் குளத்தைப் பாா்வையிட்டு, புதா்களை அகற்றவும், குளத்தைச் சுற்றி தடுப்புவேலி அமைக்கவும் உத்தரவிட்டாா். நியாயவிலைக் கடை, கலைஞரின் கனவு இல்லத் திட்ட பணிகளையும் பாா்வையிட்டு ஆய்வு செய்தாா். ஊராட்சி மன்ற அலுவலக கட்டுமான பணி, அங்கன்வாடி மையத்தை ஆய்வு செய்தாா்.

அங்குள்ள அருந்ததிபாளையத்துக்குச் சென்ற ஆட்சியா், அங்கு ஊரக குடியிருப்பு பழுது பாா்க்கும் திட்டத்தில் பணிகளை நடைபெறுவதைப் பாா்வையிட்டாா்.

இதையடுத்து தலங்கை தொடக்க வேளாண்மைக் கூட்டுறவுக் கடன் சங்கத்துக்குச் சென்று அங்கு வழங்கப்பட்டுள்ள பல்வேறு கடன்கள் குறித்த பதிவேடுகளை ஆய்வு செய்து கூட்டுறவு சங்க லாப கணக்குகள் குறித்த விவரங்களைக் கேட்டறிந்தாா். வேளாண்மை துறை சாா்பில் சொட்டுநீா் பாசனத்தில் கரும்பு சாகுபடி செய்துவரும் விவசாயிகள் நிலத்தைப் பாா்வையிட்டு ஆய்வு செய்தாா்.

தொடா்ந்து கரடிகுப்பம் ஊராட்சிக்குச் சென்று அங்குள்ள அரசு ஆரம்ப சுகாதார நிலையத்தை பாா்வையிட்டு ஆய்வு செய்தாா். கோவிந்தசேரிகுப்பம் ஊராட்சிக்குச் சென்று ஆதிதிராவிடா் நலத் துறை தொடக்கப் பள்ளியில் மாணவ, மாணவிகளின் கற்றல் திறனை ஆய்வு செய்தாா். பள்ளிக்கு சுற்றுச் சுவா் மற்றும் விளையாட்டு மைதானம் அமைத்துத் தர கிராமக்கள் கோரிக்கை விடுத்தனா். இது குறித்து உடனடியாக அறிக்கை தயாரித்து கொடுக்கும்படி வட்டார வளா்ச்சி அலுவலருக்கு உத்தரவிட்டாா்.

பினனா், பாணாவரம் ஊராட்சியில் உள்ள அரசு மேல்நிலைப் பள்ளிக்குச் சென்ற ஆட்சியா், அந்த வளாகத்தைப் பாா்வையிட்டு ஆய்வு செய்து, வளாகம் புதா்கள் இல்லாமல் நல்ல முறையில் பராமரிக்கப்பட வேண்டும் என கேட்டுக் கொண்டாா். தொடா்ந்து பள்ளியில் மதிய உணவு வழங்குதலை பாா்வையிட்டாா். பின்னா், பாணாவரம் அரசு மேம்படுத்தப்பட்ட ஆரம்ப சுகாதார நிலையத்தைப் பாா்வையிட்டு மருத்துவமனை செயல்பாடுகள் குறித்து கேட்டறிந்தாா்.

இந்த ஆய்வுகளின்போது, மாவட்ட வருவாய் அலுவலா் ந.சுரேஷ், மாவட்ட ஊரக வளா்ச்சி முகமைத் திட்ட இயக்குநா் பா.ஜெயசுதா, வட்டாட்சியா் செல்வி, வட்டார வளா்ச்சி அலுவலா்கள் நிா்மல்குமாா், பாஷா, கால்நடைத் துறை உதவி இயக்குநா் திருநாவுக்கரசு, வேளாண்மைத் துறை உதவி இயக்குநா் பிரபு, ஊராட்சி மன்றத் தலைவா்கள் சத்யா (ஒழுகூா்), கங்காபாய் (தலங்கை), அா்ஜுனன் (கோவிந்தசேரிகுப்பம்), அா்ச்சுணன் (பாணாவரம்) மற்றும் துறை சாா்ந்த அலுவலா்கள் உடனிருந்தனா்.