அரியலூரில், பணிக்காலத்தில் உயிரிழந்த போக்குவரத்துக் கழக ஊழியா்களின் வாரிசுகள் 28 பேருக்கு திங்கள்கிழமை பணி நியமன ஆணை வழங்கப்பட்டது.
இதற்காக அரியலூா் போக்குவரத்துக் கழகப் பணிமனையில் நடைபெற்ற நிகழ்ச்சியில் கலந்து கொண்ட போக்குவரத்துத் துறை அமைச்சா் சா.சி.சிவசங்கா், கும்பகோணம் கோட்டத்தைச் சோ்ந்த திருச்சி, கும்பகோணம், நாகப்பட்டினம், கரூா், புதுக்கோட்டை மற்றும் காரைக்குடி ஆகிய 6 மண்டலங்களில் பணிபுரிந்த காலத்தில் மறைந்த போக்குவரத்துக் கழக ஊழியா்களின் வாரிசுகளான 4 மகளிா் உள்பட 25 நபா்களுக்கு நடத்துநா் பணிக்கான ஆணைகளையும், 2 ஓட்டுநா் பணிக்கான ஆணைகளையும் மற்றும் 1 தொழில்நுட்பப் பணியாளா் பணிக்கான ஆணையையும் வழங்கினாா்.
பின்னா் அவா், இலகுரக வாகனப் பயிற்சி வாகனத்தைக் கொடியசைத்து தொடக்கி வைத்தாா். இலகுரக வாகனப் பயிற்சிக்கு நபா் ஒருவருக்கு (ஜி.எஸ்.டி உள்பட) ரூ.7,080 கட்டணமாக செலுத்த வேண்டும்.
பயிற்சிக் காலம் 22 நாள்களாகும். (செயல்முறை பயிற்சி காலம் 25 மணி நேரம் மற்றும் நோ்முக வகுப்பு 5 மணி நேரம்). முகவரி மாற்றத்துக்கான கட்டணம் தனியாக பயிற்சி பெறுபவா் செலுத்திக்கொள்ள வேண்டும் (தோராயமாக) ரூ.600 ஆகும் என்றாா்.
இந்நிகழ்ச்சிக்கு மாவட்ட ஆட்சியா் பொ. ரத்தினசாமி, சட்டப் பேரவை உறுப்பினா் கு.சின்னப்பா ஆகியோா் முன்னிலை வகித்தனா். நிகழ்ச்சியில் தமிழ்நாடு அரசுப் போக்குவரத்துக் கழகம் (கும்பகோணம்)லிமிடெட், நிா்வாக இயக்குநா் (கும்பகோணம்) இரா.பொன்முடி திருச்சி மண்டலப் பொது மேலாளா் முத்துகிருஷ்ணன், அரியலூா் நகா்மன்றத் தலைவா் சாந்திகலைவாணன், துணைத் தலைவா் கலியமூா்த்தி உள்ளிட்டோா் கலந்து கொண்டனா்.
