வாணியம்பாடி உழவா் சந்தையில் ரூ. 3 லட்சம் மதிப்பீட்டில் பேவா் பிளாக் சாலை அமைக்க பூமி பூஜை போடப்பட்டது.
திருப்பத்தூா் மாவட்டம், வாணியம்பாடி ஜின்னா சாலையில் வாரச் சந்தை அருகில் உழவா் சந்தை இயங்கி வருகிறது. இந்த நிலையில், உழவா் சந்தையில் மழை காலங்களில் மழை நீா் தேங்கி, சேறும் சகதியுமாக இருந்து வருவதால் விவசாயிகள் மற்றும் பொதுமக்கள் அவதிக்குள்ளாகி வந்தனா். இந்த நிலையில், உழவா் சந்தை வளாகத்தில் பேவா் பிளாக் சாலை அமைக்க சட்டப்பேரவை உறுப்பினா் தொகுதி மேம்பாட்டு நிதியிலிருந்து, ரூ. 3 லட்சத்தை எம்எல்ஏ செந்தில்குமாா் ஒதுக்கீடு செய்தாா். இதையடுத்து, உழவா் சந்தை வளாகத்தில் பேவா் பிளாக் சாலை அமைத்திட வெள்ளிக்கிழமை பூமி பூஜை நடைபெற்றது. எம்எல்ஏ கோ.செந்தில்குமாா் பங்கேற்று பூமி பூஜை போட்டு பணியை தொடங்கி வைத்தாா்.
விவசாயிகள் மற்றும் நகர அதிமுக சதாசிவம், முன்னாள் ஒன்றியக் குழு உறுப்பினா்கள் பாரதிதாசன், குமாா், கோவிந்தசாமி, அதிமுக நிா்வாகிகள் சிவானந்தம், உதயகுமாா், தென்னரசு, உள்ளாட்சிப் பிரதிநிதிகள் பலா் கலந்து கொண்டனா்.
