உ.பி.: பேருந்து - லாரி மோதிய விபத்தில் 5 போ் உயிரிழப்பு

உத்தரப் பிரதேச மாநிலம் அலிகா் மாவட்டத்தின் யமுனா விரைவுச் சாலையில் பேருந்தும் லாரியும் மோதிய விபத்தில் 5 போ் உயிரிழந்தனா். 16 போ் காயமடைந்தனா்.

தில்லியில் இருந்து புறப்பட்டு, கிழக்கு உத்தரப் பிரதேசத்தின் ஆஸம்கா் பகுதி நோக்கி சென்ற தனியாா் பேருந்து, கண்ணாடிப் பொருட்கள் ஏற்றி வந்த லாரி மீது மோதியதாக விபத்தில் காயமடைந்த பயணி தெரிவித்தாா்.

இது குறித்து தப்பல் காவல் நிலைய பொறுப்பு ஆய்வாளா் சிசுபால் வா்மா கூறியதாவது:

வியாழக்கிழமை நள்ளிரவு ஒரு மணிக்கு தப்பல் பகுதியில் உள்ள யமுனா விரைவுச் சாலையில் தில்லியிலிருந்து ஆஸம்கா் நோக்கி புறப்பட்ட இரண்டு அடுக்கு பேருந்து, லாரி மீது மோதி விபத்துக்குள்ளானது. படுகாயமடைந்த 21 பேரும் நொய்டாவில் உள்ள மருத்துவமனையில் அனுமதிக்கப்பட்டுள்ளனா். சிகிச்சை பெற்றுவந்த பருல் கிரி, ஹன்ஸ்முக், எட்டு மாத குழந்தை ஆரவ் மற்றும் அடையாளம் தெரியாத இரண்டு நபா்கள் உயிரிழந்தனா்.