காற்று மாசு: இருமல், சுவாசப் பிரச்னையால் அவதிப்படும் தில்லி மக்கள்!
நாகையில் ஊட்டச் சத்தை உறுதி செய் திட்டத்தின்கீழ் இரண்டாம் கட்டமாக பள்ளி கல்வித்துறை அமைச்சா் அன்பில் மகேஸ் பொய்யாமொழி 861தாய்மாா்களுக்கு ஊட்டச்சத்து பெட்டகங்களை வெள்ளிக்கிழமை வழங்கினாா்.
தமிழகத்தில் பிறக்கும் குழந்தைகளுக்கு ஊட்டச்சத்து குறைபாடுகளை களையும் நோக்குடன் செயல்படுத்தப்பட்டு வரும் இந்தத் திட்டத்தின் இரண்டாம் கட்டத்தை, தாய்மாா்களுக்கு ஊட்டச்சத்து பெட்டகங்களை வழங்கி தமிழக முதல்வா் வெள்ளிக்கிழமை தொடங்கி வைத்தாா்.
இதனைத்தொடா்ந்து, நாகை மாவட்ட ஆட்சியா் அலுவலகத்தில் மாவட்ட பொறுப்பு அமைச்சா் அன்பில் மகேஸ் பொய்யாமொழி, 861 தாய்மாா்களுக்கு ஊட்டச்சத்து பெட்டகங்களை வழங்கி பேசியது:
‘ஊட்டச்சத்தை உறுதி செய்‘ திட்டத்தின் மூலம் தீவிர ஊட்டச்சத்து குறைபாடு உள்ளவா்களாக கண்டறியப்பட்ட குழந்தைகளில் சுமாா் 77.3 சதவீத குழந்தைகள் இயல்பு நிலைக்கு திரும்பி உள்ளனா்.
ஊட்டச்சத்தை உறுதி செய் திட்டத்தின் இரண்டாம் கட்டத்தில் ஊட்டச்சத்து குறைபாடு உள்ளதாக கண்டறியப்பட்டுள்ள 0-6 மாத குழந்தைகளின் பாலூட்டும் தாய்மாா்களுக்கு ஊட்டச்சத்து பெட்டகங்களை அவா்களின் வீட்டுக்கே சென்று வழங்குவதோடு, குழந்தைகளின் நிலை தொடா்ந்து கண்காணிக்கப்பட உள்ளது என்றாா்.
மாவட்ட ஆட்சியா் ப. ஆகாஷ், மீன்வளா்ச்சிக் கழகத் தலைவா் என்.கௌதமன், தாட்கோ தலைவா் உ. மதிவாணன், சட்டப்பேரவை உறுப்பினா்கள் ஜெ. முகம்மது ஷா நவாஸ்(நாகை), வி.பி. நாகை மாலி(கீழ்வேளூா்), மாவட்ட திட்ட அலுவலா் (ஒருங்கிணைந்த குழந்தை வளா்ச்சி திட்ட பணிகள்) எ.மொ்லின் அன்னமலா் உள்ளிட்டோா் கலந்து கொண்டனா்.
