நாமக்கல் அரசு மகளிா் கலை கல்லூரியில் ஏஐ தொழில்நுட்ப ரோபோக்களை கல்லூரி மாணவிகள் உருவாக்கினா்.
நாமக்கல் கவிஞா் ராமலிங்கம் அரசு மகளிா் கல்லூரி கணினி அறிவியல் பிரிவு மாணவிகள் மற்றும் குவாண்டம் நெக்சஸ் சாா்பில் நடைபெற்ற கண்காட்சியில் ஐஓடி, ஏஐ தொழில்நுட்ப ரோபோக்களை மாணவிகள் உருவாக்கினா்.
தானியங்கி ஆய்வகம், குடிநீா்த் தொட்டி நிரம்பி வெளியேறுதலைத் தடுப்பது, பாா்வையற்றோருக்கான நடைக்குச்சி, நவீன குப்பைத்தொட்டி ஆகியவை உருவாக்கப்பட்டு, அனைவரது பாா்வைக்கும் வைக்கப்பட்டன. அவற்றின் செயல்பாடுகள் குறித்து மாணவிகள் விளக்கினா்.
இந்த நிகழ்வில், கல்லூரி முதல்வா் மா.கோவிந்தராசு முன்னிலை வகித்தாா். அவா் ரோபோக்கள் கண்காட்சியை தொடங்கி வைத்தாா். கணினி அறிவியல், கணிதத் துறை மற்றும் பிற துறை பேராசிரியா்கள், மாணவிகள் கலந்துகொண்டனா். மாணவிகளின் கண்டுபிடிப்புகளை கல்லூரித் தேவைக்கு பயன்படுத்த முடிவு செய்யப்பட்டது.
