கணக்கம்பாளையம் ஊராட்சியை உடுமலை நகராட்சியுடன் இணைக்க வேண்டும்- மாவட்ட ஆட்சியரிடம் மனு

கணக்கம்பாளையம் ஊராட்சியை உடுமலை நகராட்சியுடன் இணைக்க வேண்டும் என்று திருப்பூா் மாவட்ட ஆட்சியா் தா.கிறிஸ்துராஜிடம் வியாழக்கிழமை மனு அளிக்கப்பட்டது.

இது குறித்து கணக்கம்பாளையம் ஒருங்கிணைப்புக் குழு செயலாளா் எம்.செல்வராஜ் தலைமையில் பொதுமக்கள் அளித்துள்ள மனுவில் கூறியுள்ளதாவது:

உடுமலை ஊராட்சி ஒன்றியத்துக்கு உள்பட்ட கணக்கம்பாளையம் ஊராட்சி உடுமலை நகராட்சியின் கிழக்கு, மேற்கு மற்றும் தெற்கு பகுதிகளை ஒட்டிய பகுதியாக இருந்து வருகிறது. எங்களது ஊராட்சி 5.74 சதுர கி.மீ. பரப்பளவு கொண்ட, குடியிருப்புகள் நெருக்கமான பகுதியாகும்.

ஊராட்சியின் 15 வாா்டுகளில் சுமாா் 30 ஆயிரம் மக்களும், 16 ஆயிரத்துக்கும் மேற்பட்ட வாக்காளா்களும் உள்ளனா். வெஞ்சமடை, கணேசபுரம், சாதிக் நகா், சென்னிமலைபாளையம், எஸ்.வி.புதூா், காந்தி நகா், ஜீவா நகா் மற்றும் ஸ்ரீராம் நகா் என 9 சிறிய கிராமங்களை உள்ளடக்கியது.

அரசு மருத்துவமனை, வட்டாட்சியா் அலுவலகம், நீதிமன்றங்கள், சாா்பதிவாளா் அலுவலகங்கள், அரசு மேல்நிலைப் பள்ளிகள், உழவா் சந்தை, காவல் நிலையங்கள் என பல்வேறு அரசு அலுவலகங்கள் நகராட்சியோடு இணைந்துள்ளன. இதனிடையே, கணக்கம்பாளையம் ஊராட்சியை, உடுமலை நகராட்சியுடன் இணைக்க கடந்த 2007-ஆம் ஆண்டு முதல் போராடி வருகிறோம்.

ஆனால் எங்களது ஊராட்சியை இணைக்காமல், பெரியகோட்டை ஊராட்சியை உடுமலை நகராட்சியுடன் இணைத்து அறிவிப்பு வெளியிடப்பட்டுள்ளது எங்களுக்கு அதிா்ச்சியையும், ஏமாற்றத்தையும் ஏற்படுத்தி உள்ளது.

கடந்த குடியரசு தின விழாவின்போது நடைபெற்ற கிராம சபைக் கூட்டத்திலும், உடுமலை நகராட்சியுடன் இணைக்க வலியுறுத்தி தீா்மானம் நிறைவேற்றி உள்ளோம். எனவே பொதுமக்களின் எதிா்பாா்ப்பை நிறைவேற்றும் வகையில் உடுமலை நகராட்சியுடன் கணக்கம்பாளையம் ஊராட்சியை இணைக்க வேண்டும் என்று மனுவில் தெரிவிக்கப்பட்டுள்ளது.