TVK: 'முன்னாள் விசிக நிர்வாகி; இந்நாள் அதிமுக நிர்வாகி..!' - பரபரக்கும் பனையூர்!

தவெகவில் இணைவதற்காக அதிமுகவை சேர்ந்த தகவல் தொழில்நுட்ப மாநில செயலாளர் CTR நிர்மல் குமார் பனையூர் அலுவலகத்துக்கு வருகை தந்திருக்கிறார். அதேபோல விடுதலைச் சிறுத்தைகள் கட்சியின் முன்னாள் துணைப் பொதுச்செயலாளர் ஆதவ் அர்ஜூனாவும் பனையூர் அலுவலகத்துக்கு வந்திருக்கிறார்.

கடந்த பிப்ரவரி 2 ஆம் தேதி விஜய் தவெக கட்சியை தொடங்கினார். இன்னும் இரண்டு நாட்களில் இரண்டாமாண்டு கொண்டாட்டம் நடைபெறவிருக்கிறது. இதுவரைக்குமே மாற்றுக்கட்சியை சேர்ந்த நிர்வாகிகள் யாரையும் தவெகவில் இணைக்காமல் இருந்தார்கள்.

இன்று பனையூர் அலுவலகத்தில் விஜய் தன்னுடைய மாவட்டச் செயலாளர்களை சந்திப்பதாக திட்டமிட்டிருந்தார். அதற்காக, சென்னை, சேலம், தேனி, திருநெல்வேலி உட்பட19 மாவட்டங்களை சேர்ந்த நிர்வாகிகள் பனையூர் அலுவலகத்துக்கு வந்து சேர்ந்திருந்தனர். விஜய் மதியம் 12:30 மணிக்கு மேல் பனையூர் அலுவலகத்துக்கு வருவார் என எதிர்பார்க்கப்படுகிறது.

இந்நிலையில் மதியம் 12:10 மணியளவில் விசிகவின் முன்னாள் துணைப் பொதுச்செயலாளரான ஆதவ் அர்ஜூனாவின் குழுவினர் பனையூர் அலுவலகத்துக்கு வந்து சேர்ந்தனர்.

ஆதவ்வும் இன்னும் சில மணி நேரத்தில் பனையூர் அலுவலகத்துக்கு வரவிருப்பதாகவும் தகவல் வெளியானது. அதனைத்தொடர்ந்து 12:20 மணியளவில் அ.தி.மு.க-வைச் சேர்ந்த CTR நிர்மல் குமார் பனையூர் அலுவலகம் வந்து சேர்ந்தார்.

த.வெ.க-வின் பொதுச்செயலாளர் ஆனந்த் வரவேற்று அலுவலகத்துக்குள் அழைத்து சென்றார். 12:35 மணியளவில் ஆதவ் அர்ஜூனாவும் பனையூருக்கு வருகை தந்தார். அதேமாதிரி, பெரியார் சர்ச்சையை கிளப்பி வரும் கட்சியின் முக்கிய பெண் நிர்வாகியும் த.வெ.க-வில் இணையவிருப்பதாக தகவல் வெளியாகியிருக்கிறது.!

இப்படி அடுத்த அடுத்த இணைப்புகளால் உற்சாகமாக காணப்படுகிறது தவெக முகாம்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும் https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs