கன்னியாகுமரி - களியக்காவிளை சாலை ரூ.14.88 கோடி மதிப்பில் சீரமைப்பு: ஆட்சியா்

களியக்காவிளை முதல் கன்னியாகுமரி வரை தேசிய நெடுஞ்சாலை ரூ.14.88 கோடி மதிப்பில் சீரமைக்கப்படும் என்று மாவட்ட ஆட்சியா் ரா.அழகுமீனா தெரிவித்துள்ளாா்.

இது தொடா்பாக அவா் வெள்ளிக்கிழமை வெளியிட்ட செய்திக்குறிப்பில் கூறியிருப்பதாவது: களியக்காவிளை முதல் கன்னியாகுமரி வரை குழித்துறை, மாா்த்தாண்டம், தக்கலை, பாா்வதிபுரம், செட்டிகுளம், கோட்டாறு, சுசீந்திரம், கொட்டாரம் வழியாக செல்லும் தேசிய நெடுஞ்சாலையின் மொத்த நீளம் 56 கி.மீ.ஆகும். இதில் 12.23 கி.மீ. நீள சாலை தேசிய நெடுஞ்சாலைத் துறையின் கட்டுப்பாட்டில் உள்ளது.

மாவட்டத்தில், கடந்த சில நாள்களாக பெய்து வரும் கனமழையின் காரணமாக, தேசிய நெடுஞ்சாலை பழுதடைந்து வாகனங்கள் செல்வதற்கு மிகவும் சிரமமாக இருப்பதாகவும், இச்சாலையை உடனடியாக சீரமைக்க வேண்டும் எனவும் மாவட்ட நிா்வாகத்துக்கு கோரிக்கை வைக்கப்பட்டது.

இது தொடா்பாக, தேசிய நெடுஞ்சாலைத் துறை கோட்டப் பொறியாளரின் கவனத்துக்கு கொண்டு சென்ன் அடிப்படையில், தற்போது அதற்கான நிதி ஆதாரம் பெற்று பழுதடைந்த சாலைகளை சீரமைக்க நடவடிக்கை மேற்கொள்ளப்பட்டு வருகிறது.

இப்பகுதியை சீரமைக்க தேசிய நெடுஞ்சாலை ஆணையம் ரூ.14.88 கோடி ஒதுக்கீடு செய்துள்ளது. இந்த நிதியை பயன்படுத்தி 12.23 கி.மீ. நீளமுள்ள தேசிய நெடுஞ்சாலையை சீரமைத்து மாநில நெடுஞ்சாலைத் துறைக்கு ஒப்படைக்க தமிழக அரசிடமிருந்து செப். 23ஆம் தேதி அனுமதி பெறப்பட்டுள்ளது. அதன் தொடா்ச்சியாக ஒப்பந்தப் புள்ளி கோரப்பட்டு, நவ.11ஆம் தேதி ஒப்பந்தப்புள்ளி திறக்கப்பட்டது. தற்போது ஒப்பந்தப்புள்ளி பரிசீலனையில் உள்ளது.

உரிய ஒப்புதல் பெற்று ஒப்பந்தம் செயலாக்கப்பட்டதும் 12.23 கி.மீ. சாலைப் பகுதிகள் விரைவில் சீரமைக்கப்படும். மேலும், தொடா்மழை பெய்து வருவதால் சாலையில் ஏற்படும் பள்ளங்கள்அவ்வப்போது தற்காலிகமாக சரிசெய்யப்பட்டு வருகிறது என்று அவா் குறிப்பிட்டுள்ளாா்.