1993-ஆம் ஆண்டு முதல் பதிவான கழிவுநீா், செப்டிக் டேங்க் மரணங்கள் பட்டியலில் தமிழகம் முதலிடத்தில் உள்ளது.
இது தொடா்பாக மாநிலங்களவையில் பாஜக உறுப்பினா் எஸ். செல்வகணபதி எழுப்பியிருந்த கேள்விக்கு மத்திய சமூக நீதி, அதிகாரமளித்தல் துறை இணை அமைச்சா் ராம்தாஸ் அத்வாலே வியாழக்கிழமை அளித்துள்ள பதில் விவரம்:
, ‘2023இல் இது குறித்த ஆய்வு மேற்கொள்ளப்பட்ட பிறகு அதிக மரணங்கள் பதிவானதை கருத்தில் கொண்டு கழிவுநீா் சுத்திகரிப்பு, செப்டிக் டேங்க் தூய்மைப்பணியை மேற்கொள்ளும்போது சம்பந்தப்பட்ட ஊழியருக்கு உரிய பாதுகாப்பு கவச ஆடைகள், கருவிகள் போன்றவை இருப்பது உறுதிப்படுத்தப்பட வேண்டும் என விதிகளில் திருத்தம் கொண்டு வரப்பட்டுள்ளது,‘ என்று அதில் அமைச்சா் கூறியுள்ளாா்.
இதைத்தொடா்ந்து, 1993-ஆம் ஆண்டு முதல் கழிவுநீா், செப்டிக் டேங்க் சுத்திகரிப்புப் பணி மரணங்கள் தொடா்பாக அமைச்சா் பகிா்ந்துள்ள பட்டியலில் தமிழகத்தில் அதிகபட்சமாக 253 போ் உயிரிழந்துள்ளனா். அதைத்தொடா்ந்து குஜராத்தில் 183 போ், உத்தர பிரதேசத்தில் 133 போ், தில்லியில் 116 போ் உயிரிழந்துள்ளது தெரிய வந்துள்ளது.
மற்றொரு உறுப்பினரின் கேள்விக்கு பதிலளித்துள்ள அமைச்சா், ‘மனித மலத்தை அள்ளும்போது உயிரிழப்பு ஏற்பட்டதாக எந்த சம்பவமும் பதிவாகவில்லை’ என்று குறிப்பிட்டுள்ளாா்.
மனித மலத்தை மனிதா்களைக் கொண்டு அள்ளுவது 2013ஆம் ஆண்டில் இயற்றப்பட்ட சட்டத்தின்படி தண்டனைக்குரிய குற்றமாகும் என்றும் இதை மீறுவோருக்கு இரண்டு வருட கடுங்காவல் அல்லது ரூபாய் ஒரு லட்சம் அல்லது இரண்டும் சோ்த்து தண்டனையாக விதிக்கப்படும் என்றும் அமைச்சா் தெரிவித்துள்ளாா்.
