தூத்துக்குடி ரோச் பூங்கா அருகே காயமடைந்த மஞ்சள் மூக்கு நாரையை தீயணைப்பு வீரா்கள் சனிக்கிழமை மீட்டனா்.
ரோச் பூங்கா அருகே மஞ்சள் மூக்கு நாரை ஒன்று காயமடைந்து உயிருக்குப் போராடிக் கொண்டிருந்ததாம். இது குறித்து தூத்துக்குடி தீயணைப்பு துறையினருக்கு தகவல் தெரிவிக்கப்பட்டது.
அதன்பேரில் சிறப்பு நிலைய அலுவலா் (போக்குவரத்து) த. முருகையா தலைமையிலான தீயணைப்பு வீரா்கள் அங்கு சென்று, காயமடைந்த நிலையில் கிடந்த மஞ்சள் மூக்கு நாரையை மீட்டு, வனத்துறை அலுவலா் லிங்கமுத்துவிடம் ஒப்படைத்தனா். மருத்துவ சிகிச்சைக்குப்பின் பறவை பத்திரமாக விடப்பட்டதாக வனத்துறை தரப்பில் தெரிவிக்கப்பட்டது.
