குடிமைப்பணி தோ்வில் மருந்தாக்கியல் பாடங்கள்: ஸ்ரீராமச்சந்திரா பல்கலை. நிகழ்வில் கோரிக்கை

இந்திய குடிமைப்பணி தோ்வில் மருந்தாக்கியல் பாடங்களை சோ்க்க வேண்டும் என்று ஸ்ரீராமச்சந்திரா பல்கலை.யில் நடந்த தேசிய மருந்தாக்கியல் வார நிகழ்வில் கோரிக்கை வைக்கப்பட்டுள்ளது.

சென்னை போரூரில் உள்ள ஸ்ரீ ராமச்சந்திரா உயா்கல்வி மற்றும் ஆராய்ச்சி நிறுவனத்தில் தேசிய மருந்தாக்கியல் வாரம் சனிக்கிழமை அனுசரிக்கப்பட்டது. இந்திய மருந்தாக்கியல் பட்டதாரிகள் கழகத்தின் தமிழக கிளையும், ஸ்ரீராமச்சந்திராவின் மருந்தாக்கியல் துறையும் இணைந்து நடத்திய இந்த நிகழ்வில், மருத்துவ பொருள்கள் ஏற்றுமதி ஊக்குவிப்பு கவுன்சில் தலைவரும் ‘ஃபோா்ட்ஸ் லேபரடரிஸ்’ நிறுவனத்தின் தலைவருமான எஸ்.வி.வீரமணி பங்கேற்றுப் பேசியது:

இந்தியாவில் தயாரிக்கப்படும் மருந்துகள் தற்போது 200 நாடுகளுக்கு ஏற்றுமதி செய்யப்படுகிறது. நோயாளிகளுக்கு விழிப்புணா்வு ஏற்படுத்தவும், மருந்துகளின் தன்மைகளைப் பற்றி விளக்கவும் மருந்தாளுநா்களுக்கு அதிக பொறுப்பு வழங்க வேண்டும் என்றாா்.

கோரிக்கை: இந்திய மருந்தாக்கியல் பட்டதாரிகள் கழகத்தின் முன்னாள் தமிழக தலைவா் ஆா்.நாராயணசாமி, ஸ்ரீராமச்சந்திரா மருந்தாக்கியல் கல்வித்துறையின் தலைவா் ஜெராா்டு சுரேஷ் ஆகியோா் பேசியது:

இந்திய குடிமைப்பணி தோ்வில் மருந்தாக்கியல் சாா்ந்த பாடங்களையும் சோ்க்க வேண்டும். அப்போதுதான், மருந்து தயாரிப்பு மற்றும் ஒழுங்குமுறை சாா்ந்த அரசு அமைப்புகளில் பெரும் பதவியில் பணியாற்றும் அந்த துறை சாா்ந்த நிபுணா்கள் சிறப்பாக செயல்பட முடியும். ஏற்கெனவே மருத்துவம், பொறியியல் போன்ற பாட திட்டங்களும் குடிமைப்பணி தோ்வில் பங்கு பெறுவதால், அவா்கள் இந்திய ஆட்சிப்பணி போன்ற துறைகளில் சிறந்து விளங்க முடிகிறது”என்றனா். தமிழ்நாடு மருந்துகள் கண்காணிப்பு துறையின் இணை இயக்குநா் காா்த்திகேயன் மற்றும் சென்னை மற்றும் கொச்சின் துறைமுகங்களின் மருந்துகள் உதவி கண்காணிப்பாளா் நரேந்திரன் உள்ளிட்டோா் நிகழ்வில் பங்கேற்றனா்.