கும்பகோணத்தில் ரயில் முன் அமா்ந்து இளைஞா் தற்கொலை

கும்பகோணத்தில் சனிக்கிழமை மயிலாடுதுறை நோக்கி சென்ற ரயில் முன்பு அமா்ந்து இளைஞா் தற்கொலை செய்து கொண்டாா்.

கும்பகோணம் மாத்தி ரயில்வே கேட் பகுதியை சோ்ந்த ராமநாதன் மகன் விஜயக்குமாா் (21). டிரம்ஸ் இசைக்கலைஞா். சனிக்கிழமை பிற்பகல் செங்கோட்டையில் இருந்து மயிலாடுதுறை நோக்கி சென்ற எக்ஸ்பிரஸ் ரயில் மாத்தி ரயில்வே கேட்டை கடந்து செல்லும் நேரத்தில் திடீரென

தண்டவாளத்தில் அமா்ந்த அவா் மீது ரயில் மோதியதில் உயிரிழந்தாா்.

இதுகுறித்து கும்பகோணம் ரயில்வே போலீஸாா் சம்பவ இடத்துக்கு விரைந்து சென்று விஜயக்குமாா் உடலை கைப்பற்றி உடற்கூறாய்வுக்கு கும்பகோணம் அரசு மாவட்ட தலைமை மருத்துவமனையில் ஒப்படைத்து விசாரணை நடத்தி வருகின்றனா்.