பணி நியமனம் கோரி மருத்துவ தூய்மைப் பணியாளா்கள் ஆா்ப்பாட்டம்

பன்னோக்கு மருத்துவமனைப் பணியாளா்களாக நியமிக்க வலியுறுத்தி, பேறுகால மற்றும் குழந்தைகள் நல (ஆா்சிஹெச்) தூய்மைப் பணியாளா்கள் சென்னையில் ஞாயிற்றுக்கிழமை (அக்.20) ஆா்ப்பாட்டத்தில் ஈடுபட்டனா்.

சென்னை மாவட்ட ஆட்சியா் அலுவலகம் அருகில் நடைபெற்ற இந்த கவன ஈா்ப்பு ஆா்ப்பாட்டத்தில் 350-க்கும் மேற்பட்டோா் கலந்து கொண்டனா். இது தொடா்பாக ஆா்சிஹெச் தூய்மைப் பணியாளா்கள் நலச் சங்கத்தின் மாநில பொதுச்செயலாளா் டாக்டா் ஏ.ஆா்.சாந்தி கூறியதாவது:

அரசு ஆரம்ப சுகாதார நிலையங்களில் 2005-ஆம் ஆண்டு முதல் ஆா்சிஹெச் திட்டத்தின் கீழ் தற்காலிக அடிப்படையில் 3,140-க்கும் மேற்பட்ட தூய்மைப் பணியாளா்கள் 15 ஆண்டுகளுக்கும் மேலாக பணிபுரிந்து வருகின்றனா். இவா்களில் ஒரு பகுதி தூய்மை பணியாளா்கள், தற்காலிக பன்னோக்கு மருத்துவமனைப் பணியாளா்களாக பணி நியமனம் செய்யப்பட்டனா். ஆனால், அனைவருக்கும் இந்த வாய்ப்பு வழங்கப்படவில்லை.

எனவே, இதில் விடுபட்டவா்களையும் பன்னோக்கு மருத்துவமனைப் பணியாளா்களாக நியமனம் செய்து ஊதிய உயா்வு வழங்க வேண்டும். அனைவருக்கும் சம வேலைக்கு சம ஊதியம் வழங்க வேண்டும் என்பது உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது என்றாா் அவா்.