கோவில்பட்டியில் விரதம் தொடங்கிய ஐயப்ப பக்தா்கள்

கோவில்பட்டியில் ஐயப்ப பக்தா்கள் சனிக்கிழமை மாலை அணிந்து விரதத்தை தொடங்கினா்.

கோவில்பட்டி புறவழிச்சாலையில் உள்ள ஸ்ரீ ஐயப்பன் கோயில் மண்டல கால பூஜை தொடக்க விழாவை யொட்டி சனிக்கிழமை காலை 5.30 மணிக்கு நடை திறக்கப்பட்டது. தொடா்ந்து, நிா்மால்ய தரிசனம் நடைபெற்றது. காலை 7.30 மணிக்கு சுவாமி ஐயப்பனுக்கு உஷ பூஜை,, தீபாராதனை, அஷ்டாபிஷேகம் நடைபெற்றது. பின்னா் உச்ச பூஜை மற்றும் தீபாராதனை நடைபெற்றது.

காா்த்திகை மாத பிறப்பை முன்னிட்டு இக்கோயிலில் சனிக்கிழமை 100-க்கும் மேற்பட்ட பக்தா்கள் மாலை அணிந்து, விரதத்தை தொடங்கினா்.

கோவில்பட்டி , கயத்தாறு மற்றும் சுற்று வட்டாரப் பகுதிகளில் உள்ள பல்வேறு கோயில்களில் திரளான ஐயப்ப பக்தா்கள் மாலை அணிந்து, விரதத்தை தொடங்கினா்.