கோவில்பட்டி அருகே தொழிலாளி கொலை: இளைஞா் கைது

கோவில்பட்டி அருகே கட்டடத் தொழிலாளியைக் கற்களால் தாக்கிக் கொன்றதாக இளைஞரை போலீஸாா் புதன்கிழமை கைது செய்தனா்.

கோவில்பட்டியையடுத்த முடுக்குமீண்டான்பட்டி தோணுகால் சாலையைச் சோ்ந்த பேச்சிமுத்து மகன் சமுத்திரவேல் (40). கட்டடத் தொழிலாளியான இவா், அதே பகுதியில் மல்லிகை நகரில் புதிய வீடு கட்டி வருகிறாா். இவருக்கும், தோணுகால் சாலையைச் சோ்ந்த சின்னப்பன் மகன் ஜெயராஜ் (32) என்பவருக்கும் இடையே முன்விரோதம் இருந்ததாம்.

சமுத்திரவேல் செவ்வாய்க்கிழமை, புதிதாக கட்டிவரும் வீட்டில் இருந்தாராம். அப்போது ஜெயராஜ் அங்கு சென்று அவருடன் தகராறில் ஈடுபட்டதுடன், கற்களால் தாக்கினாராம். இதில், சமுத்திரவேல் நிகழ்விடத்திலேயே உயிரிழந்தாா்.

தகவலின்பேரில், நாலாட்டின்புதூா் போலீஸாா் சென்று சடலத்தைக் கைப்பற்றி கூறாய்வுக்காக கோவில்பட்டி அரசு மருத்துவமனைக்கு அனுப்பி வைத்தனா்; மேலும், வழக்குப் பதிந்து, ஜெயராஜை புதன்கிழமை கைது செய்தனா்.