குஜராத் டைட்டன்ஸ் அணி வீரர் க்ளென் பிலிப்ஸ் காயத்தினால் வெளியேறியதால் அவருக்குப் பதிலாக இலங்கை வீரர் தசுன் ஷானகா தேர்வாகியுள்ளார்.
சன்ரைசர்ஸ் அணிக்கு எதிரான போட்டியில் ஃபீல்டிங் செய்த க்ளென் பிலிப்ஸ் தொடைத் தசையில் ஏற்பட்ட காயத்தினால் இந்தத் தொடரிலிருந்து விலகுவதாக அறிவிக்கப்பட்டார்.
ஒரு போட்டியில்கூட விளையாடாத சிறந்த பேட்டர், ஃபீல்டர், சுழல்பந்துகளை வீசக்கூடிய பிலிப்ஸ் சிறந்த ஆல்-ரவுண்டர் என்பது கவனிக்கத்தக்கது.
தற்போது, இவருக்குப் பதிலாக இலங்கையின் ஆல்ரவுண்டர் தசுன் ஷானகாவை குஜராத் அணி தேர்வு செய்துள்ளது.
கடந்த 2023 ஐபிஎல் தொடரில் ஷானகா குஜராத் அணியில் விளையாடினார்.
102 சர்வதேச டி20 போட்டிகளில் விளையாடியுள்ள ஷானகா 1,456 ரன்கள் 33 விக்கெட்டுகள் எடுத்துள்ளார்.
குஜ்ராத் அணி ஷானகாவை ரூ.75 லட்சத்துக்கு ஒப்பந்தம் செய்துள்ளது குறிப்பிடத்தக்கது.
