சாலையில் தேங்கி நிற்கும் மழை நீரால் பொதுமக்கள் அவதி

ஜேடா்பாளையம் அருகே தெற்கு தொட்டிபாளையத்தில் சாலையில் தேங்கியுள்ள மழை நீரால் பொது மக்கள் அவதியடைந்துள்ளனா்.

தெற்கு தொட்டிபாளையத்தில் நூற்றுக்கும் மேற்பட்ட குடும்பத்தினா் வசித்து வருகின்றனா். கடந்த சில தினங்களாக பருவமழை பெய்து வருவதால் இப்பகுதியில் சாலையில் மழைநீா் வெள்ளம்போல தேங்கியுள்ளது. இதனால் இப்பகுதியில் வசிக்கும் பொதுமக்கள் சாலையைக் கடந்து செல்லமுடியாமல் அவதியடைந்து வருகின்றனா்.

மேலும் பள்ளி செல்லும் வாகனங்களும் இச்சாலையைக் கடக்க முடியாத சூழ்நிலை ஏற்பட்டுள்ளது.

எனவே பெரும் மழை பெய்து மழை நீா் வீடுகளுக்கு புகுவதற்கு முன் இப்பகுதியில் உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.