வடசென்னை வளா்ச்சி திட்டத்தின் சாலையோரம் வசிக்கும் மக்களுக்காக 1,476 புதிய குடியிருப்புகள் அமைக்கப்படவுள்ளதாக சென்னை பெருநகர வளா்ச்சிக் குழும (சிஎம்டிஏ) தலைவரும் இந்து சமய அறநிலையத் துறை அமைச்சருமான பி.கே.சேகா்பாபு தெரிவித்தாா்.
வடசென்னை வளா்ச்சி திட்டத்தின்கீழ் சி.எம்.டி.ஏ. சாா்பில் கட்டப்பட்டு வரும் கொளத்தூா் வண்ண மீன்கள் வா்த்தக மையம், அயனாவரம் வட்டார நூலகத்தின் பணிகளை அமைச்சா் சேகா்பாபு புதன்கிழமை நேரில் பாா்வையிட்டு ஆய்வு செய்தாா். தொடா்ந்து ஸ்டான்லி அரசு மருத்துவமனை அருகே மற்றும் வால்டாக்ஸ் சாலையில் புதிதாக கட்டப்படவுள்ள அடுக்குமாடி குடியிருப்புக்கான இடத்தையும், ஆய்வு செய்தாா்.
பின்னா், செய்தியாளா்களிடம் அவா் கூறியதாவது:
வடசென்னையில் சாலையோரம் மற்றும் கால்வாய் ஓரம் வசிக்கும் மக்களுக்காகவும், பொருளாதாரத்தில் நலிவுற்று இருக்கின்ற மக்களுக்காகவும் 1,476 குடியிருப்புகள் கட்டப்படவுள்ளது. இதற்கான பணியை முதல்வா் மு.க.ஸ்டாலின் நடப்பு மாத இறுதிக்குள் தொடங்கி வைக்கவுள்ளாா்.
வடசென்னை வளா்ச்சி திட்டத்தில், வறுமை கோட்டுக்கு கீழ் உள்ள மக்களின் முன்னேற்றத்துக்கு பல்வேறு பணிகள் மேற்கொள்ளப்படுகிறது. அந்த வகையில் நூலகங்கள் புதுப்பிப்பு, முதல்வா் படிப்பகம் மேற்கொள்ளப்படுகிறது. முதல்கட்டமாக 12 நூலகங்கள் மேம்படுத்த திட்டமிடப்பட்டுள்ளது. வடசென்னயில் ஏற்படும் போக்குவரத்து நெரிசலுக்கு தீா்வு காண சாலைகளை விரிவாக்க திட்டமிடப்பட்டுள்ளது. மேலும், பாதுகாக்கப்பட்ட குடிநீா், கழிவுநீா் சீராக செல்வதற்கான நடவடிக்கை வரும் காலங்களில் மேற்கொள்ளப்படும் என்றாா் அவா்.
ஆய்வின்போது, வில்லிவாக்கம் சட்டப்பேரவை உறுப்பினா் வெற்றி அழகன், நீா்வள ஆதாரத்துறை கூடுதல் தலைமை செயலா் க.மணிவாசன் உள்ளிட்ட அதிகாரிகள் உடனிருந்தனா்.
