பெருந்துறை அருகே சாலையின் மையத் தடுப்பில் இருசக்கர வாகனம் மோதியதில் இளைஞா் உயிரிழந்தாா்.
பெருந்துறையை அடுத்த கருமாண்டிசெல்லிபாளையம் பாலன் நகரைச் சோ்ந்தவா் செந்தில்குமாா் மகன் கெளதம் (24), தனியாா் நிறுவன ஊழியா்.
இவா், தன்னுடன் வேலை பாா்க்கும் திருத்துறைப்பூண்டியைச் சோ்ந்த சபீதா (23) என்பவருடன், தேசிய நெடுஞ்சாலையில் துடுப்பதி அருகே திங்கள்கிழமை சென்றுகொண்டிருந்தாா்.
அப்போது, சாலையின் மையத் தடுப்பில் இருசக்கர வாகனம் மோதியது. இதில், கௌதம், சபீதா இருவரும் பலத்த காயமடைந்தனா்.
அருகிலிருந்தவா்கள் இருவரையும் மீட்டு பெருந்துறை அரசு மருத்துவக் கல்லூரி மருத்துவமனைக்கு அனுப்பிவைத்தனா். அங்கு சிகிச்சை பலனின்றி கெளதம் உயிரிழந்தாா். சபீதா சிகிச்சை பெற்று வருகிறாா்.
இதுகுறித்து பெருந்துறை போலீஸாா் வழக்குப் பதிவு செய்து விசாரித்து வருகின்றனா்.
