சீமானுக்கு எதிரான வழக்கு விசாரணை உச்ச நீதிமன்றம் இடைக்கால தடை: எதிா்தரப்புக்கு நோட்டீஸ்!

புது தில்லி: பாலியல் வன்கொடுமை புகாா் தொடா்பான வழக்கில் நாம் தமிழா் கட்சியின் தலைமை ஒருங்கிணைப்பாளா் சீமானுக்கு எதிரான வழக்கை 12 வாரங்களுக்கு விசாரணை முடித்து அறிக்கை தாக்கல் செய்யக் கூறி சென்னை உயா்நீதிமன்றம் உத்தரவிற்கு உச்சநீதிமன்றம் திங்கள்கிழமை இடைக்கால தடைவிதித்துள்ளது.

சீமான் தன்னைத் திருமணம் செய்து கொள்வதாக கூறி ஏமாற்றியதாக நடிகை விஜயலட்சுமி என்பவா் கடந்த 2011- ஆம் ஆண்டு வளசரவாக்கம் காவல் நிலையத்தில் புகாா் அளித்திருந்தாா். அந்த புகாரைத் தொடா்ந்து சீமான் மீது இந்திய தண்டனைச் சட்டம் 376 -ஆவது பிரிவின் கீழ் சீமான் மீது வழக்குப்பதிவு செய்யப்பட்டது. இதற்கிடையே சீமான், வளசரவாக்கம் காவல்துறை தன் மீது பதிவு செய்துள்ள வழக்கை புகாா் தாரா் கடிதத்தின் அடிப்படையில் ஏற்கனவே முடித்து வைக்கப்பட்டது. இந்த நிலையில் மீண்டும் வேண்டுமென்றே விசாரிப்பதால் இந்த வழக்கை முடித்துவைக்க கோரி சென்னை உயா்நீதிமன்றத்தில் வழக்கு தொடா்ந்தாா்.

இந்த வழக்கை சென்னை உயா்நீதிமன்ற நீதிபதி இளந்திரையன் முன்பு விசாரணை நடைபெற்று புகாா்தாரா் விஜயலட்சுமி தரப்பு வாதத்தையும் உயா்நீதிமன்றம் கேட்டது. திருமணம் செய்வதாகக் கூறியது, உறவில் இருந்தது போன்றவைகள் விஜயலட்சுமி தரப்பில் கூறப்பட்டது. இதைத் தொடா்ந்து உயா்நீதிமன்றம், ’இந்த வழக்கை திரும்பப் பெற்றாலும், பாலியல் வன்கொடுமை வழக்குகளை விசாரிக்க காவல்துறைக்கு அதிகாரம் உள்ளது என்பது உள்ளிட்ட பல்வேறு கேள்விகளை எழுப்பி இது சாதாரண வழக்கல்ல எனக் கூறி சீமானின் மனுவை தள்ளுபடி செய்தது. இத்தோடு, 12 வாரங்களுக்குள் வழக்கை விசாரணை நடத்தி அதன் அறிக்கையை தாக்கல் செய்ய வேண்டும் எனவும் கடந்த பிப்-21ம் தேதி உயா்நீதிமன்றம் உத்தரவிட்டது.

சீமானுக்கு சமன் அனுப்பி சென்னை காவல் துறை விசாரணை மேற்கொண்டு வந்த நிலையில் சென்னை உயா்நீதிமன்றத்தின் இந்த உத்தரவை எதிா்த்து சீமான் உச்சநீதிமன்றத்தில் மேல்முறையீட்டு மனுவை தாக்கல் செய்திருந்தாா். இம்மனு நீதிபதி பி.வி நாகரத்தினா தலைமையிலான அமா்வு முன்பு திங்கள்கிழமை விசாரணைக்கு வந்தது. சீமான் தரப்பில் மூத்த வழக்குரைஞா் கோபால் சங்கரநாராயணன் உள்ளிட்டோா் ஆஜராகி வாதிட்டனா்.

‘முன்னதாக இந்த வழக்கு மூன்று முறை திரும்ப பெறப்பட்டது. 12 ஆண்டுகளுக்கு பின்னா் மீண்டும் புகாா் கொடுக்கப்பட்டுள்ளது. தற்போதை (தமிழக திமுக அரசு) அரசு பொறுப்பேற்றுக்கொண்ட பின்னா் அரசியல் காழ்ப்புணா்ச்சி காரணமாக காரணமாக இந்த வழக்கு மீண்டும் விசாரிக்கப்படுகிறது. நடிகை விஜயலட்சுமியுடன் பழக்கம் இருந்து பின்னா் இருவரும் பிரிந்தனா். வழக்கை திரும்ப பெற்றவா் மீண்டும் புகாா் அளிக்கிறாா். வேண்டுமென்றே புகாா்தாரரை(சீமானை) துன்புறுத்துவதால் அவா் மோசமாக பாதிக்கப்பட்டுள்ளாா்‘ போன்ற வாதங்கள் உச்சநீதிமன்றத்தில் சீமான் தரப்பில் வைக்கப்பட்டது.

இதனையடுத்து உச்சநீதிமன்ற அமா்வு, ‘12 வாரங்களில் காவல் துறை விசாரணை மேற்கொண்டு அறிக்கை தாக்கல் வேண்டும்‘ என்று சென்னை உயா்நீதிமன்றம் பிறப்பித்த உத்தரவுக்கு இடைக்கால தடை விதித்தது. மேலும் இந்த விவகாரத்தில், இரு தரப்பும் அமா்ந்து பேசி சுமுக முடிவு எடுக்க வேண்டும். இழப்பீடு ஏதேனும் வழங்கப்பட்டுள்ளதா ? எதிா் தரப்பு மனுதாரரும்(விஜயலட்சுமி) பாதிக்கப்பட்டுள்ளாா் போன்றவைகள் குறிப்பிட்டு எதிா்மனுதாரா்கள் பதிலளிக்க நோட்டீஸ் அளிக்க உத்தரவிட்டு வழக்கு விசாரணையை மே மாதத்திற்கு ஒத்தி வைத்தது உச்சநீதிமன்ற அமா்வு.