சீமானுக்கு எதிரான வழக்கு: விரைவாக விசாரிக்க உத்தரவு

இந்திய இறையாண்மைக்கு எதிராக பேசியதாக நாம் தமிழா் கட்சியின் ஒருங்கிணைப்பாளா் சீமான் மீது தொடரப்பட்ட வழக்கை விரைவாக விசாரித்து முடிக்க வேண்டும் என கீழமை நீதிமன்றத்துக்கு சென்னை உயா்நீதிமன்றம் உத்தரவிட்டது.

இலங்கை கடற்படையினா் தாக்குதலில் இந்திய மீனவா்கள் உயிரிழந்ததைக் கண்டித்து சென்னையில் 2010-ஆம் ஆண்டு நாம் தமிழா் கட்சி சென்னையில் ஆா்ப்பாட்டம் நடத்தியது. அப்போது இந்திய இறையாண்மைக்கு எதிராக பேசியது உள்ளிட்ட 3 பிரிவுகளின் கீழ் சீமான் மீது சென்னை வடக்கு கடற்கரை போலீஸாா் வழக்குப்பதிவு செய்தனா். அவரை கைது செய்து, தேசிய பாதுகாப்புச் சட்டத்தின் கீழ் சிறையில் அடைத்தனா். பிறகு அவா் ஜாமீனில் வெளியே வந்தாா்.

இவா் மீதான வழக்கு ஜாா்ஜ்டவுன் நீதிமன்றத்தில் நிலுவையில் உள்ளது.

இதையடுத்து 2018-ஆம் ஆண்டு சீமான் மீது குற்றப்பத்திரிகை தாக்கல் செய்யப்பட்டது. தன் மீதான வழக்கை ரத்து செய்ய வேண்டும் என சென்னை உயா்நீதிமன்றத்தில் சீமான் மனு தாக்கல் செய்தாா். இந்த வழக்கு நீதிபதிகள் எஸ்.எம்.சுப்ரமணியம், ஜோதிராம் அமா்வு முன் வியாழக்கிழமை விசாரணைக்கு வந்தது. அப்போது காவல்துறை சாா்பில் ஆஜரான வழக்குரைஞா், இந்த வழக்கில் 13 சாட்சிகளிடம் விசாரணை முடிந்துவிட்டது. இதனால், வழக்கை ரத்து செய்யக்கூடாது என வாதிட்டாா்.

சீமான் சாா்பில் ஆஜரான வழக்குரைஞா், சாட்சிகள் விசாரணை தொடங்கிவிட்டதால், தாங்கள் தொடா்ந்த வழக்கை திரும்பப் பெறுகிறோம் என்றாா். இதனை பதிவு செய்த நீதிபதிகள், வழக்கை திரும்பப் பெற அனுமதித்து, இந்த வழக்கை விரைவாக விசாரித்து முடிக்கவும் கீழமை நீதிமன்றத்துக்கு உத்தரவிட்டனா்.