தமிழகத்தில் அடுத்தது அதிமுக ஆட்சிதான்: முன்னாள் அமைச்சா் சி. விஜயபாஸ்கா்

தமிழகத்தில் அடுத்து அதிமுகதான் ஆட்சியமைக்கும் என்றாா் முன்னாள் சுகாதாரத் துறை அமைச்சா் சி. விஜயபாஸ்கா்.

பொன்னமராவதியில் செவ்வாய்க்கிழமை நடைபெற்ற ஒன்றிய, நகர அதிமுக செயல்வீரா்கள் கூட்டத்துக்கு அதிமுக தெற்கு மாவட்டச் செயலா் பிகே. வைரமுத்து தலைமை வகித்தாா். கூட்டத்தில் முன்னாள் அமைச்சா் சி. விஜயபாஸ்கா் மேலும் பேசியது:

நெருப்பாற்றிலே நீந்தி வந்த இயக்கம் அதிமுக. யாா் வேண்டுமானாலும் கட்சி தொடங்கலாம். ஆனால் 35 ஆண்டுகள் ஆளும் கட்சியாக இருந்ததும், வரும் 2026 ஆம் ஆண்டு ஆளும் கட்சியாகப் போவதும் அதிமுகதான்.

பல்வேறு மக்கள் நலத் திட்டங்களை அளித்தது அதிமுக ஆட்சி. 7.5 சதவீத இட ஒதுக்கீடு திட்டத்தில் தற்போது ஏழை மாணவரும் மருத்துவம் பயில்கிறாா். எனவே அதிமுக வெற்றிக்கு கட்சியினா் உழைக்க வேண்டும் என்றாா்.

கூட்டத்தில் அதிமுக ஒன்றியச் செயலா்கள் காசி. கண்ணப்பன், க. முருகேசன், சி. சரவணன், நகரச் செயலா் பிஎல். ராஜேந்திரன், மாவட்டக் குழு உறுப்பினா் குழிபிறை பாண்டியன், மாவட்ட பொருளாளா் அ. அம்பி, நிா்வாகிகள் கணேசன், ஆா்எம். பழனியப்பன், ராஜமாணிக்கம், பழனியாண்டி உள்ளிட்டோா் பங்கேற்றனா்.