தமிழக முதல்வரின் ‘ஊட்டச்சத்தை உறுதி செய்’ திட்டத்தின் கீழ், ஸ்ரீவில்லிபுத்தூரில் 239 தாய்மாா்களுக்கு ஊட்டச்சத்துப் பெட்டகங்கள் வெள்ளிக்கிழமை வழங்கப்பட்டன.
இந்தத் திட்டத்தின் கீழ், ஸ்ரீவில்லிபுத்தூா் வட்டாரத்தில் ஊட்டச்சத்து குறைபாடுடைய குழந்தைகளின் தாய்மாா்கள் 239 பேருக்கு புரதப்பொடி, பேரீச்சம்பழம், ஆவின் நெய் உள்ளிட்ட பொருள்கள் அடங்கிய ஊட்டச்சத்துப் பெட்டகங்களை நகராட்சி ஆணையா் பிச்சைமணி வழங்கினாா்.
இதில் குழந்தைகள் பாதுகாப்பு அலகு மேற்பாா்வையாளா்கள் சரோஜினி, மாரியம்மாள் உள்ளிட்டோா் கலந்து கொண்டனா்.
