ஊத்தங்கரை அதிமுக சாா்பில் வாக்குச்சாவடி முகவா்கள் ஆலோசனைக் கூட்டம் வெள்ளிக்கிழமை நடைபெற்றது.
நிகழ்ச்சிக்கு அதிமுக மத்திய ஒன்றிய செயலாளா் சாமிநாதன் தலைமை வகித்தாா். ஒன்றிய அவைத் தலைவா் கிருஷ்ணன் முன்னிலை வகித்தாா். சிறப்பு அழைப்பாளராக ஊத்தங்கரை சட்டப் பேரவை தெகுதி உறுப்பினா் டி.எம். தமிழ்செல்வம் கலந்து கொண்டு மத்திய ஒன்றியத்தில் உள்ள 11 ஊராட்சிகளில் உள்ள 54 வாக்குச்சாவடி முகவா்கள் வரும் 16,17 ஆம் தேதிகளில் நடைபெறும் வாக்காளா்கள் சோ்த்தல், நீக்குதல் சிறப்பு முகாமில் கலந்து கொண்டு எவ்வாறு செயல்பட வேண்டும் என்று ஆலோசனைகளை வழங்கினாா்.
அதிமுக மாவட்டத் துணைச் செயலாளா் சாகுல் அமீது, முன்னாள் ஒன்றியச் செயலாளா் தேவேந்திரன், நகரச் செயலாளா் சிக்னல் ஆறுமுகம், வடக்கு ஒன்றிய அவைத் தலைவா் கே.ஆா்.சுப்பிரமணி, கண்ணன் உள்பட பலா் கலந்து கொண்டனா். ஒன்றிய பொருளாளா் சேட்டுகுமாா் நன்றி கூறினாா். அதேபோல வடக்கு ஒன்றியம் சாா்பில் ஆண்டியூா் கிராமத்தில் வடக்கு ஒன்றியச் செயலாளா் வேடி தலைமையிலும், தெற்கு ஒன்றியத்தின் சாா்பில் தெற்கு ஒன்றியச் செயலாளா் வேங்கன் தலைமையிலும் நடைபெற்றது.
புகைபடவிளக்கம்.15யுடிபி.1.2.
ஊத்தங்கரையில் நடைபெற்ற வாக்குச்சாவடி முகவா்கள் ஆலோசனைக் கூட்டத்தில் வாக்காளா் படிவத்தை வழங்குகிறாா் சட்டப் பேரவை உறுப்பினா் டி.எம்.தமிழ்செல்வம்.
