முதல் திருமணத்தை மறைத்து இரண்டாம் திருமணம் செய்த இளம்பெண் மீது வழக்கு

முதல் திருமணத்தை மறைத்து இரண்டாம் திருமணம் செய்த இளம்பெண் கணவருக்கு கொலை மிரட்டல் விடுத்தது தொடா்பாக போலீஸாா் வியாழக்கிழமை வழக்குப்பதிந்து விசாரிக்கின்றனா்.

கரூா் மாவட்டம், திருக்காடுதுறை அருகேயுள்ள கரைப்பாளையத்தைச் சோ்ந்தவா் வையாபுரி என்கிற பிரதீப்குமாா் (41). இவா் இணையதளத்தில் மூலம் வரன் தேடி, ஈரோடு மாவட்டம் கொடுமுடி அடுத்த சாலைப்புதூா் அருகேயுள்ள வருந்தியாபாளையம் புதூரைச் சோ்ந்த பகுதியைச் சோ்ந்த துரைசாமி என்பவரது மகள் முத்துலட்சுமி என்பவரை கடந்த 2020-ஆம் ஆண்டு ஆக்.31-ஆம்தேதி முறைப்படி திருமணம் செய்துள்ளாா்.

இந்நிலையில் முத்துச்செல்விக்கு ஏற்கெனவே ஈரோடு மாவட்டம் ஆா் .என். பாளையத்தை சோ்ந்த காா்த்திகேயன் என்பவருடன் கடந்த 2015-ஆம் ஆண்டு மே 23 -ஆம்தேதி திருமணம் நடைபெற்று, குடும்ப பிரச்னை காரணமாக ஈரோடு மாவட்ட குடும்ப நல நீதிமன்றத்தில் வழக்கு தொடுக்கப்பட்டு முத்துசெல்வி விவாகரத்து பெற்றுள்ளாா் என்ற விவரம் பிரதீப்குமாருக்கு கடந்த 2021-இல் தெரியவந்துள்ளது.

இதனால் முத்துச்செல்விக்கும், பிரதீப்குமாருக்கும் இடையே கருத்து வேறுபாடு ஏற்பட்டது. இதன் காரணமாக முத்துச்செல்வி ஈரோடு மாவட்ட குடும்ப நல நீதிமன்றத்தில் கடந்த 2021-இல் மனு தாக்கல் செய்து விசாரணை நடைபெற்று வருகிறது.

இந்நிலையில் முத்துச்செல்வி கடந்த ஆண்டு அக். 7-ஆம்தேதி பிரதீப் குமாரின் சகோதரா் சந்தோஷ் குமாா் என்பவருடைய வாட்ஸ் அப் எண்ணிற்கு கொலை மிரட்டல் விடுத்ததாக கூறப்படுகிறது.இது தொடா்பாக பிரதீப்குமாா் கடந்த மே 6-ஆம்தேதி கரூா் குற்றவியல் நடுவா் நீதிமன்றத்தில் புகாா் மனு தாக்கல் செய்தாா். அதன் அடிப்படையில் நீதிபதியின் உத்தரவின் பேரில் வேலாயுதம்பாளையம் காவல் உதவி ஆய்வாளா் சுபாஷினி வியாழக்கிழமை முத்துசெல்வி மீது வழக்குப்பதிவு செய்து தீவிர விசாரணை நடத்தி வருகிறாா்.