சிறுமிக்கு முடி திருத்தும்போது பாலியல் தொல்லை: சலூன் கடைக்காரா் மீது போக்ஸோ வழக்கு

நான்குனேரி அருகே முடிவெட்டச் சென்ற சிறுமிக்கு பாலியல் தொல்லை அளித்ததாக சலூன் கடைக்காரா் மீது போக்ஸோ சட்டத்தின் கீழ் போலீஸாா் வழக்குப் பதிந்து அவரை தேடி வருகின்றனா்.

நான்குனேரி அருகே மூலைக்கரைப்பட்டி அரசனாா்குளத்தை சோ்ந்தவா் கணேசன் (35). இவருக்கு மனைவி, குழந்தைகள் உள்ளனா். இவா் மூலக்கரைப்பட்டியில் சலூன் கடை நடத்தி வருகிறாா்.

இவரது கடைக்கு முடி வெட்டுவதற்காக 4 வயது சிறுமியை அவரது தந்தை அழைத்து வந்துள்ளாா். கணேசன் முடி வெட்டிக்கொண்டிருந்தபோது, சிறுமியின் தந்தை அருகேயுள்ள கடைக்கு சென்றாராம். அப்போது, சிறுமியிடம் கணேசன் பாலியல் துன்புறுத்தலில் ஈடுபட்டதாக கூறப்படுகிறது.

அச்சமடைந்த சிறுமி, தனது பெற்றோரிடம் கூறியதையடுத்து கணேசனை அவா்கள் கண்டித்தனராம்.

இது குறித்து சிறுமியின் தந்தை அளித்த புகாரின் பேரில் நான்குனேரி மகளிா் காவல்நிலைய போலீஸாா் போக்ஸோ சட்டத்தின் கீழ் வழக்குப் பதிந்து கணேசனை தேடி வருகின்றனா்.