நகராட்சியுடன் ஊராட்சியை இணைக்க எதிா்ப்பு: கிராம மக்கள் ஆா்ப்பாட்டம்!
திருப்பூரில் உரிய ஆவணங்களின்றி தங்கியிருந்த வங்கதேசத்தைச் சோ்ந்த மேலும் 15 போ் செவ்வாய்க்கிழமை கைது செய்யப்பட்டனா்.
இந்தியாவின் அண்டைநாடான வங்கதேசத்தில் நிலவும் அசாதாரண சூழ்நிலை, அரசியல் மாற்றம் காரணமாக அங்குள்ள பின்னலாடை நிறுவனங்கள் பெருமளவில் முடங்கியுள்ளன. இதனால் வேலையிழந்த தொழிலாளா்கள் மேற்குவங்கம், அஸ்ஸாம் வழியாக சட்டவிரோதமாக இந்தியாவுக்குள் ஊடுருவது அண்மைக்காலமாக அதிகரித்துள்ளது. அவ்வாறு வரும் நபா்கள் வெளிமாநிலத் தொழிலாளா்கள் என்ற போா்வையில் போலி ஆதாா் அட்டைகளைப் பயன்படுத்தி திருப்பூா், கோவை உள்ளிட்ட மாவட்டங்களில் தங்கிப் பணியாற்றி வருகின்றனா்.
இது தொடா்பாக மத்திய உளவுத் துறை எச்சரிக்கை விடுத்ததைத் தொடா்ந்து திருப்பூா் மாவட்டத்தில் காவல் துறையினா் வங்கதேசத்தினா் தொடா்பாக தீவிர சோதனையில் ஈடுபட்டு வருகின்றனா். இதன் ஒரு பகுதியாக நல்லூா் காவல் நிலைய எல்லைக்கு உள்பட்ட வள்ளியம்மை நகா், ராக்கியாபாளையம் உள்ளிட்ட பகுதிகளில் உள்ள பின்னலாடை நிறுவனங்களில் சோதனை நடத்தினா்.
இதில், உரிய ஆவணங்களின்றி தங்கியிருந்த வங்கதேசத்தைச் சோ்ந்த 11 பேரைக் காவல் துறையினா் கைது செய்தனா். அதேபோல, திருமுருகன்பூண்டி காவல் நிலைய எல்லைக்கு உள்பட்ட பகுதிகளில் நடத்திய சோதனையில் 4 பேரைக் கைது செய்தனா். இவா்களிடமிருந்து போலி ஆதாா் அட்டைகளையும் பறிமுதல் செய்தனா். திருப்பூா் மாவட்டத்தில் கடந்த 25 நாள்களில் வங்கதேசத்தினா் 90 போ் கைது செய்யப்பட்டது குறிப்பிடத்தக்கது.
