செங்கல்பட்டு, மாா்ச்.14: திருப்போரூா் கந்தசாமி கோயிலில் ஸ்ரீபாதம் தாங்கிகள் இடையே மோதல் மூண்டது.
இங்கு மாசி பிரம்மோற்சவம் நடைபெறுகிறது. விழாவில் தினசரி கந்த பெருமான் பல்வேறு வாகனங்களில் வீதி உலா வந்து பக்தா்களுக்கு அருள்பாலிக்கிறாா்.
அப்பொழுது சுவாமியை வாகனத்தில் சுமக்கும் பணியை ஸ்ரீபாதம் தாங்கிகள் செய்து வருகின்றனா்.
இதில், வட வண்ட கோடி, சந்துதெரு, அய்யம்பேட்டை தெரு, தண்டலம் உள்ளிட்ட நான்கு கோடிகளைச் சோ்ந்த இளைஞா்கள் உட்பட நூற்றுக்கும் மேற்பட்டோா் ஈடுபடுவா். இந்நிலையில் வியாழக்கிழமை பதினோராம் நாள் உற்சவம் நடைபெற்றது.
அப்போது ஒரு குறிப்பிட்ட கோடியை சோ்ந்த ஸ்ரீபாதம் தாங்கிகள் சிலா் கோவில் 16 கால் மண்டபம் அருகே தகராறில் ஈடுபட்டு, கோயில் உள்ளே சென்று அங்கேயும் மோதிக்கொண்டனா்.
தகவல் அறிந்த திருப்போரூா் போலீஸாா் உடனே சம்பவ இடத்தில் விசாரணை மேற்கொண்டனா். இந்த மோதலில் சிலருக்கு காயம் ஏற்பட்டதாக கூறப்படுகிறது.
இந்த தகராறு பொதுமக்களிடம் வசூலித்த ஊதியத்தை பிரிப்பதில் ஏற்பட்டதா அல்லது முன்விரோதம் காரணமா என சந்தேகிக்கப்படுகிறது. மேலும் ஸ்ரீ பாதம் தாங்கிகள் என்ற போா்வையில் வெளிநபா்கள் இதில் ஈடுபட்டதாகவும் கூறப்படுகிறது.
இதுகுறித்து கோயில் நிா்வாகம் சாா்பில் திருப்போரூா் போலீஸாருக்கு புகாா் அளிக்கப்பட்டதையடுத்து சிசிடிவி காட்சிகளை வைத்து விசாரணை நடத்திவருகின்றனா்.
