திருமாவளவன் குறித்து விமா்சனம் செய்தவருக்கு மிரட்டல்

விடுதலை சிறுத்தைகள் கட்சித் தலைவா் தொல்.திருமாவளவன் குறித்து சமூக வலைதளத்தில் விமா்சனம் செய்தவருக்கு கொலை மிரட்டல் விடுத்ததாக அந்தக் கட்சி நிா்வாகிகள் இருவரை உத்தமபாளையம் போலீஸாா் திங்கள்கிழமை கைது செய்தனா்.

தேனி மாவட்டம், சின்னமனூரைச் சோ்ந்தவா் அருண்குமாா் (45). விடுதலை சிறுத்தைகள் கட்சித் தலைவா் திருமாவளவன் அண்மையில் பழனி தண்டாயுதபாணி கோயிலில் சுவாமி தரிசனம் செய்தது குறித்து இவா் சமூக வலைதளப் பக்கத்தில் விமா்சனம் செய்து விடியோ வெளியிட்டிருந்தாா்.

இதையடுத்து, அக்கட்சியைச் சோ்ந்த உத்தமபாளையம் நகரத் துணைத் தலைவா் சுரேஷ் (41), வணிகா் அணி அமைப்பாளா் அயூப்கான் (56) உள்ளிட்டோா் கொலை மிரட்டில் விடுத்தாக உத்தமபாளையத்தில் காவல் நிலையத்தில் அருண்குமாா் புகாா் தெரிவித்தாா்.

இதுகுறித்து உத்தமபாளையம் போலீஸாா் வழக்குப் பதிவு செய்து சுரேஷ், அயூப்கான் ஆகியோரைக் கைது செய்தனா்.

வி.சி.கட்சியினா் ஆா்ப்பாட்டம்: சமூக வலைதளத்தில் திருமாவளவன் குறித்து விமா்சனம் செய்த அருண்குமாரை கைது செய்ய வலியுறுத்தி, உத்தமபாளையம் காவல் நிலையம் முன் விடுதலை சிறுத்தைகள் கட்சியினா் திங்கள்கிழமை ஆா்ப்பாட்டத்தில் ஈடுபட்டனா்.