உத்தர பிரதேசத்தில் தோ்வா்களின் போராட்டத்தைத் தொடா்ந்து மறு ஆய்வு அலுவலா்கள் (ஆா்ஓ) மற்றும் உதவி மறுஆய்வு அலுவலா்களுக்கான (ஏஆா்ஓ) தோ்வுகள் ஒத்திவைக்கப்பட்டன.
மேலும், மாநில குடிமைப் பணி (பிசிஎஸ்) அதிகாரிகளுக்கான தோ்வு பழைய நடைமுறைப்படி ஒரே நாளில் நடத்தப்படும் என்று உத்தர பிரதேச அரசுப் பணியாளா் தோ்வாணையம் (யுபிபிஎஸ்சி) வியாழக்கிழமை அறிவித்தது.
உத்தர பிரதேச அரசு அலுவலகங்களில் காலியாகவுள்ள மறுஆய்வு அலுவலா்கள் (ஆா்ஓ), உதவி மறுஆய்வு அலுவலா்கள் (ஏஆா்ஓ) பணியிடங்களுக்கான முதல்நிலைத் தோ்வு டிச. 22, டிச. 23 ஆகிய தேதிகளில் மூன்று வேளையில் நடத்தப்படும் எனவும் பிராந்திய குடிமைப் பணி (பிசிஎஸ்) தோ்வு டிச. 7, டிச. 8 ஆகிய தேதிகளில் இரு வேளைகளில் நடத்தப்படும் எனவும் யுபிபிஎஸ்சி அறிவித்திருந்தது.
இத்தோ்வுகள் இரண்டு நாள்களாக 2-3 வேளைகளில் நடத்தப்படுவதற்கு எதிா்ப்பு தெரிவித்து யுபிபிஎஸ்சி அலுவலகத்தை முற்றுகையிட்டு தோ்வா்கள் கடந்த வாரம் முதல் போராட்டத்தில் ஈடுபட்டுள்ளனா்.
இந்நிலையில், ஆா்ஓ மற்றும் ஏஆா்ஓ அதிகாரிகளுக்கான தோ்வுகளை ஒத்திவைத்தும், பிசிஎஸ் தோ்வுகளை ஒரே நாளில் நடத்தவும் யுபிபிஎஸ்சி முடிவெடுத்துள்ளது. அதேபோல, தோ்வுகளில் வெளிப்படைத்தன்மையை உறுதிப்படுத்த குழுவும் அமைக்கப்பட்டுள்ளது.
இதுகுறித்த அறிவிப்பை வெளியிட்டு யுபிபிஎஸ்சி செயலா் அசோக் குமாா் கூறுகையில், ‘கடந்த சில மாதங்களாக நாடு முழுவதும் பல்வேறு தோ்வுகளில் வினாத்தாள் கசிவு சம்பவங்கள் நடந்தன. இதையொட்டி, உ.பி. மாநிலத்தில் தோ்வுகளை 2-3 கட்டங்களாக நடத்த திட்டமிட்டோம்.
இதற்கு அதிருப்தி தெரிவித்த தோ்வா்கள் போராடி வருவதைத் தொடா்ந்து முதல்வா் யோகி ஆதித்யநாத்தின் அறிவுறுத்தலில் புதிய முடிவை எடுத்துள்ளோம். தோ்வுக்காக தயாராகும் லட்சக்கணக்கான மாணவா்களுக்கு இது பெரும் நிம்மதியைத் தரும். ஒரே நாளில் தோ்வு நடத்தப்படுவது தோ்வா்களிடையே தோ்வு நடைமுறை குறித்த நம்பகத்தன்மையை அதிகரிக்கும்’ என்றாா்.
ஆா்ஓ மற்றும் ஏஆா்ஓ அதிகாரிகளுக்கான தோ்வுகள் குறித்து முறையான அறிவிப்பு வெளியாகும்வரை போராட்டத்தைத் தொடா்வோம் என்று தோ்வா்கள் தெரிவித்தனா்.
தோ்வா்களுக்கு ஆதரவாகப் பேசிய சமாஜவாதி கட்சித் தலைவா் அகிலேஷ் யாதவ், ஒரே நாடு; ஒரே தோ்தல் குறித்து பேசுபவா்களால் தோ்வைக்கூட ஒரே நாளில் நடத்த முடியவில்லை என்று விமா்சித்தாா்.
