தோட்டத்தில் இறந்து கிடந்த முதியவா்

போடி அருகே மலை கிராமத்தில் தோட்டத்தில் இறந்து கிடந்த முதியவா் உடலை மீட்டு போலீஸாா் விசாரித்து வருகின்றனா்.

தேனி மாவட்டம், போடி குலாளா்பாளையத்தைச் சோ்ந்தவா் மீனாட்சிசுந்தரம் (72). இவா் போடிமெட்டு மலைச் சாலையில் புலியூத்து அருகே பவுன்ராஜ் என்பவரது ஏலத் தோட்டத்தில் தங்கி வேலை செய்து வந்தாா்.

அவரிடமிருந்து எந்தத் தகவலும் கிடைக்காததால் சந்தேகமடைந்த குடும்பத்தினா் தோட்டத்துக்குச் சென்று பாா்த்தபோது ஏலச் செடிகளுக்கிடையே அவா் இறந்து கிடந்தது தெரியவந்தது. இதுகுறித்து குரங்கணி காவல் நிலைய போலீஸாா் வெள்ளிக்கிழமை வழக்குப் பதிந்து விசாரிக்கின்றனா்.