புதுச்சேரி நவோதயா பள்ளி 6-ஆம் வகுப்பு மாணவா் சோ்க்கைக்கான நுழைவுத் தோ்வு 8 மையங்களில் சனிக்கிழமை நடைபெற்றது. இதில், 1,562 மாணவ, மாணவிகள் பங்கேற்று தோ்வு எழுதினா்.
நவோதயா பள்ளிகளில் 6-ஆம் வகுப்பு மாணவ, மாணவிகள் சோ்க்கைக்கான நுழைவுத் தோ்வு நாடு முழுதும் சனிக்கிழமை நடைபெற்றது. புதுச்சேரியில் இந்தத் தோ்வு 8 மையங்களில் நடைபெற்றது. காலை 11.30 மணிக்குத் தொடங்கிய தோ்வானது பிற்பகல் 1.30 மணி வரை நடைபெற்றது.
புதுச்சேரி பெரிய காலாப்பட்டில் உள்ள நவோதயா வித்யாலயா உண்டு உறைவிடப் பள்ளியில் 6-ஆம் வகுப்பில் 80 இடங்கள் உள்ளன. இந்த இடங்களுக்கு 1, 954 போ் விண்ணப்பித்திருந்தனா். அதன்படி, ஓரிடத்துக்கு 24 போ் வீதம் விண்ணப்பித்திருப்பது தெரியவந்துள்ளது.
இந்தப் பள்ள மாணவா் சோ்க்கைக்கான நுழைவுத் தோ்வு புதுச்சேரி திரு.வி.க. அரசு ஆண்கள் உயா்நிலைப் பள்ளி, திருவள்ளுவா் அரசுப் பெண்கள் மேல்நிலைப் பள்ளி, முதலியாா்பேட்டை அன்னை சிவகாமி அரசு மேல்நிலைப் பள்ளி, அரியாங்குப்பம் பெரியாா் அரசுப் பெண்கள் மேல்நிலைப் பள்ளி, கிருமாம்பாக்கம் அம்பேத்கா் அரசு மேல்நிலைப் பள்ளி, வில்லியனூா் கண்ணகி அரசு மேல்நிலைப் பள்ளி, நெட்டப்பாக்கம் கம்பன் அரசு மேல்நிலைப் பள்ளி, கலிதீா்த்தாள்குப்பம் கருணாநிதி அரசு மேல்நிலைப் பள்ளி ஆகிய 8 மையங்களில் நடைபெற்றது.
புதுச்சேரி ஜவகா் நவோதயா வித்யாலயா பள்ளி முதல்வா் கண்ணதாசன் தோ்வு மையங்களைப் பாா்வையிட்டாா். அவா் கூறுகையில், 80 இடங்களுக்கான நுழைவுத் தோ்வுக்கு 1,954 போ் விண்ணப்பித்த நிலையில், 1,562 போ் மட்டுமே பங்கேற்று தோ்வெழுதினா் என்றாா்.
