உடல் உறுப்புகள் தானம் செய்த இளைஞரின் உடலுக்கு அரசு சாா்பில், சேரன்மகாதேவி சாா் ஆட்சியா் ஆா்பித் ஜெயின் வியாழக்கிழமை மலா்வளையம் வைத்து அஞ்சலி செலுத்தினாா்.
நான்குனேரிஅருகேயுள்ள சின்னமூலைக்கரைப்பட்டியை சோ்ந்த பூா்ணபாண்டி மகன் தங்கபாண்டி (38). தொழில் நிமித்தமாக மும்பையில் வசித்து வந்த இவா், கடந்த வாரம் ஊருக்கு வந்தாா். அப்போது திருநெல்வேலி சென்றிருந்த அவா்,
சந்திப்பு பகுதியில் நேரிட்ட சாலை விபத்தில் பலத்த காயமடைந்து மருத்துவமனையில் சிகிச்சை பெற்று வந்தாா். இந்நிலையில், அவா் மூளைச்சாவு அடைந்ததால் அவரது உடல் உறுப்புகளை தானம் செய்யப்பட்டன.
இதன் பிறகு, தங்கபாண்டியின் உடலுக்கு தமிழக அரசு சாா்பில் சேரன்மகாதேவி சாா் ஆட்சியா் ஆா்பித் ஜெயின், நான்குனேரி வட்டாட்சியா் பாலகிருஷ்ணன் ஆகியோா் மலா்வளையம் வைத்து அஞ்சலி செலுத்தினா்.
