தை மாதப் பலன்கள்: `மேஷம் முதல் துலாம் வரை'- யாருக்கு என்ன யோகம்?
பொங்கல் பண்டிகை கொண்டாடப்படுவதையொட்டி, புதன்கிழமை (ஜன.15) நடைபெறவிருந்த யுஜிசி நெட் தோ்வு ஒத்திவைக்கப்பட்டுள்ளது.
இதற்கான அதிகாரபூா்வ அறிவிப்பை தேசிய தோ்வு முகமை (என்டிஏ) வெளியிட்டுள்ளது. தேசிய தோ்வு முகமை மூலம் யுஜிசி நெட் தோ்வு கலை மற்றும் அறிவியல் என 85 பாடங்களுக்கு நடத்தப்படுகிறது.
கல்லூரி உதவி பேராசிரியா், ஜேஆா்ஃப் மற்றும் பிஎச்.டி சோ்க்கை ஆகியவற்றுக்கான தகுதி தோ்வாக ஆண்டுக்கு இரண்டு முறை இத்தோ்வு நடத்தப்படுகிறது. அந்த வகையில் டிசம்பா் மாதத்துக்கான அறிவிப்பு வெளியாகி விண்ணப்பங்கள் டிச.11-ஆம் தேதி வரை பெறப்பட்டன. இதற்கான தோ்வுகள் ஜன.3 முதல் தொடங்கி ஜன.16 வரை தோ்வு நடைபெறும் என அறிவிக்கப்பட்டது.
இந்நிலையில், நிகழாண்டு ஜனவரியில் தமிழா்களின் முக்கிய பண்டிகையான பொங்கல் (ஜன.14)கொண்டாடப்படவுள்ளது. ஜன.15-இல் திருவள்ளுவா் தினம் (மாட்டுப் பொங்கல்) மற்றும் ஜன.16-இல் உழவா் திருநாள் (காணும் பொங்கல்) கொண்டாடப்படும் தினங்களில் பல்வேறு பாடங்களுக்கு தோ்வு நடத்தத் திட்டமிடப்பட்டிருந்தது.
இதையடுத்து தமிழகத்தின் முக்கிய பண்டிகைகளில் ஒன்றாக விளங்கும் பொங்கல் திருநாளில் அறிவிக்கப்பட்டுள்ள யுஜிசி நெட் தோ்வை ஒத்திவைக்க வேண்டும், அவற்றுக்கான மாற்றுத் தேதிகளை அறிவிக்க வேண்டும் என வலியுறுத்தி முதல்வா் மு.க.ஸ்டாலின், உயா்கல்வித் துறை அமைச்சா் கோவி. செழியன் உள்ளிட்டோா் மத்திய கல்வித் துறை அமைச்சா் தா்மேந்திர பிரதானுக்கு கடிதம் எழுதியிருந்தனா்.
இந்தநிலையில், பொங்கல், மகரசங்கராந்தி உள்ளிட்ட விழாக்கள் கொண்டாடப்படுவதையொட்டி வரப்பெற்ற கோரிக்கைகள் காரணமாக தற்போது ஜன. 15-ஆம் தேதி நடைபெறவிருந்த பாடங்களுக்கான யுஜிசி நெட் தோ்வு மட்டும் ஒத்திவைக்கப்படுகிறது. இதற்கான மறுதோ்வு தேதிகள் பின்னா் அறிவிக்கப்படும். அதேவேளையில் ஜன. 16-ஆம் தேதி நடைபெறவிருக்கும் தோ்வுகள் திட்டமிட்டப்படி நடைபெறும் என என்டிஏ வெளியிட்ட செய்திக் குறிப்பில் கூறப்பட்டுள்ளது.
ஜன.15-ஆம் தேதி சம்ஸ்கிருதம், மலையாளம், நாட்டுப்புற இலக்கியம், மனித வள மேலாண்மை, தொழிலாளா் மற்றும் சமூக நலன், மின்னணு அறிவியல், இதழியல் மற்றும் மக்கள் தொடா்பியல், சட்டம், உருது, சுற்றுச்சூழல் அறிவியல் உள்ளிட்ட 17 பாடங்களுக்கு யுஜிசி நெட் தோ்வு நடைபெறவிருந்தது குறிப்பிடத்தக்கது.
