நெல்லையை திமுக கோட்டையாக மாற்ற வேண்டும்: அமைச்சா் கே.என். நேரு

திருநெல்வேலி மாவட்டத்தை திமுக கோட்டையாக மாற்றிக்காட்டுவோம் என்பதை முதல்வா் மு.க.ஸ்டாலினுக்கு தெரிவிக்கும் வகையில் தொண்டா்கள் வேகமாக பணியாற்ற வேண்டும் என்றாா் தமிழக நகராட்சி நிா்வாகம் மற்றும் குடிநீா் வழங்கல் துறை அமைச்சரும், மாவட்ட பொறுப்பு அமைச்சருமான கே.என்.நேரு.

பாளையங்கோட்டை கே.டி.சி. நகரில் உள்ள மாதா மாளிகையில் செவ்வாய்க்கிழமை நடைபெற்ற திருநெல்வேலி ஒருங்கிணைந்த மாவட்ட திமுக பொது உறுப்பினா்கள் கூட்டத்தில் அவா் பேசியதாவது: தென்தமிழகத்திற்கு முக்கியத்துவம் கொடுத்து திருநெல்வேலி மாவட்டத்திற்கு கள ஆய்வுக்கு பிப்ரவரி 6, 7 ஆம் தேதிகளில் முதல்வா் மு.க.ஸ்டாலின் வர உள்ளாா். திருநெல்வேலி மாவட்டத்தில் சுமாா் ரூ.6,400 கோடி மதிப்பிலான திட்டங்கள் மற்றும் நலஉதவிகளை வழங்க உள்ளாா். கங்கைகொண்டானில் தனியாா் சோலாா் நிறுவனத்தை தொடங்கி வைக்கிறாா். அங்கு உள்மாவட்டத்தைச் சோ்ந்த 3,000 ஆயிரத்திற்கும் மேற்பட்டோா் வேலைவாய்ப்பு பெறும் நிலை உருவாகியுள்ளது. சுமாா் 40 ஆயிரம் பேருக்கு பட்டா வழங்கப்பட உள்ளது. அவா்களில் 20 ஆயிரத்து 200 போ் நேரடியாக பட்டா பெற உள்ளனா். இதுதவிர சாலை, பாலம் உள்ளிட்ட திட்டப்பணிகளையும் தொடங்கி வைக்க உள்ளாா்.

தூத்துக்குடியில் இருந்து வரும் முதல்வருக்கு முதலில் கே.டி.சி. நகா் ரவுண்டானா, நாரணம்மாள்புரம், கங்கைகொண்டான் சிப்காட் பகுதிகளில் வரவேற்பு அளிக்கப்பட உள்ளது. இதில் அனைவரும் ஒருங்கிணைந்து முதல்வரை வரவேற்க ஒத்துழைக்க வேண்டும்.

தொடா்ந்து, நேருஜி கலையரங்கில் கட்சி நிா்வாகிகளை சந்தித்து பேசும் முதல்வா், நூற்றாண்டு மண்டப வளாகத்தில் பல்வேறு கட்சிகளில் இருந்து விலகி திமுகவில் இணைவோரை வரவேற்க உள்ளாா். மேலும், வண்ணாா்பேட்டையில் உள்ள அரசு விருந்தினா் மாளிகையில் திருநெல்வேலி மாவட்ட மீனவா்கள், மாஞ்சோலை பகுதி மக்கள் உள்ளிட்டோரை தனித்தனியாக சந்தித்து பேச உள்ளாா்.

2026 சட்டப்பேரவைத் தோ்தலில் திருநெல்வேலி திமுகவின் கோட்டை என்று முதல்வா் மு.க.ஸ்டாலினுக்கு சொல்லும் வகையில் தொண்டா்கள் திறம்பட பணியாற்ற வேண்டும். அதற்கு தேவையான உதவிகளை கட்சி சாா்பில் செய்வோம் என்றாா் அவா்.

இந்தக் கூட்டத்திற்கு மாவட்ட அவைத் தலைவா்கள் கிரஹாம்பெல், வி.கே.முருகன் ஆகியோா் தலைமை வகித்தனா். திருநெல்வேலி கிழக்கு மாவட்டச் செயலா் இரா.ஆவுடையப்பன், மத்திய மாவட்டப் பொறுப்பாளா் டி.பி.எம்.மைதீன்கான், பாளையங்கோட்டை சட்டப்பேரவைத் தொகுதி உறுப்பினா் மு.அப்துல் வஹாப், மாநகர திமுக செயலா் சு.சுப்பிரமணியன், மேயா் கோ.ராமகிருஷ்ணன், துணை மேயா் கே.ஆா்.ராஜு, தலைமைச் செயற்குழு உறுப்பினா் ஆ.பிரபாகரன், மாவட்ட ஊராட்சித் தலைவா் வி.எஸ்.ஆா்.ஜெகதீஷ், அலெக்ஸ் அப்பாவு, மு.பேச்சிப்பாண்டியன், முன்னாள் எம்பிக்கள் ஞானதிரவியம், விஜிலா சத்தியானந்த், தொகுதி பாா்வையாளா்கள் முத்துச்செல்வி, வசந்தம் ஜெயக்குமாா், சட்டத்துறை துணைச் செயலா் ராஜா முஹம்மது, மாநில விவசாய தொழிலாளா் அணி துணைச் செயலா் கணேஷ்குமாா் ஆதித்தன், தோ்தல் பணிக்குழு துணைச் செயலா் ராஜம்ஜான், நகா்மன்றத் தலைவா் கே.கே.சி.பிரபாகா், பேரூராட்சித் தலைவா்கள் மேலச்செவல் அன்னப்பூரணி, கோபாலசமுத்திரம் தமயந்தி, கல்லிடைக்குறிச்சி இசக்கிப்பாண்டியன், தொமுச தா்மன், முன்னாள் எம்எல்ஏ மாலைராஜா உள்பட பலா் கலந்துகொண்டனா்.