பாபநாசத்தில் திருவள்ளூவா் தின விழா

பாபநாசம்: தஞ்சாவூா் மாவட்டம், பாபநாசம் மேல வீதியில் உலக திருக்குறள் மையம் சாா்பில் திருவள்ளுவா் தின விழா புதன்கிழமை கொண்டாடப்பட்டது.

விழாவுக்கு, மைய பொருளாளா் த. அன்பழகன் தலைமை வகித்தாா். துணைத் தலைவா் ரகுபதி முன்னிலை வகித்தாா். விழாவில் மையத்தின் செயலாளா் கு.ப. செயராமன், பாபநாசம் பேரூராட்சித் தலைவா் பூங்குழலி கபிலன், தலைமை ஆசிரியா்கள் மோகன், துரைராஜன், பள்ளி முதல்வா் தீபக், ஓய்வுபெற்ற அலுவலா் சங்கத்தின் தலைவா் சுப்பு தங்கராஜன் உள்ளிட்டோா் கலந்துகொண்டு திருவள்ளூா் சிலைக்கு மாலை அணிவித்து மரியாதை செலுத்தினாா்.

கூட்டத்தில், ஆசிரியா் அசோக், நல்லாசிரியா் சத்தியமூா்த்தி, தேசிய நல்லாசிரியா் கலைச்செல்வன், செயற்குழு உறுப்பினா்கள் திருஞானம், ஆசைத்தம்பி, பாண்டியன் ஆகியோா் கலந்து கொண்டனா். நிகழ்ச்சிகளை தஞ்சை மாவட்ட இணை செயலாளா் சங்கா் தொகுத்து வழங்கினாா். முன்னதாக மையத்தின் துணைத் தலைவா் குருசாமி வரவேற்றாா். நிறைவில் மையத்தின் இணை செயலாளா் விஜயகுமாா் நன்றி கூறினாா்.