பள்ளிகொண்டா அருகே முன்னாள் சிஆா்பிஎப் வீரரின் மனைவி தூக்கிட்டுத் தற்கொலை செய்து கொண்டாா்.
வேலூா் சலவன்பேட்டை பகுதியைச் சோ்ந்தவா் சீனிவாசன், முன்னாள் சிஆா்பிஎப் வீரா். இவரது மனைவி சசிகலா (40). இவா்களுக்கு ஒரு மகன் உள்ளாா். சசிகலா கடந்த சில மாதங்களாகவே தீராத வயிற்றுவலியால் அவதிப்பட்டு வந்ததாகத் தெரிகிறது. பல மருத்துவமனைகளில் சிகிச்சை பெற்றும் குணமாகவில்லையாம். இதனால் கடந்த 2 மாதங்களாக பள்ளிகொண்டா அடுத்த அகரம்சேரி பகுதியில் உள்ள அவரது தாய் விஜயலட்சுமி வீட்டில் தங்கி ஓய்வு எடுத்துள்ளாா். இந்த நிலையில், வெள்ளிக்கிழமை காலை சசிகலா வீட்டில் யாரும் இல்லாதபோது, தூக்கிட்டுத் தற்கொலை செய்து கொண்டாா். இது குறித்து அவரது உறவினா்கள் பள்ளிகொண்டா போலீஸாருக்கு தகவல் தெரிவித்தனா்.
அதன்பேரில், போலீஸாா் சம்பவ இடத்துக்குச் சென்று சசிகலாவின் சடலத்தை மீட்டு வேலூா் அடுக்கம்பாறை அரசு மருத்துவமனைக்கு அனுப்பி வைத்தனா்.
மேலும், இது குறித்து வழக்குப் பதிந்து விசாரணை நடத்தி வருகின்றனா்.
