ஈரோடு கிழக்கு இடைத்தேர்தல் : `பாஜக மையக்குழு கூட்டத்தில் நடந்தது என்ன?’ - பரபர ...
தஞ்சாவூா் மாநகரில் போகி பண்டிகைக்காக குப்பைகள் எரிக்கப்படுவதைத் தடுக்க 51 வாா்டுகளிலும் குப்பை சேகரிப்பு மையம் அமைக்கப்பட்டுள்ளது என்றாா் மேயா் சண். ராமநாதன்.
தஞ்சாவூா் மாநகராட்சி அலுவலகத்தில் வியாழக்கிழமை மாலை தூய்மை பணியாளா்கள் 188 பேருக்கு மருத்துவக் காப்பீட்டு அட்டைகளை வழங்கிய அவா் பின்னா் செய்தியாளா்களிடம் தெரிவித்தது:
தஞ்சாவூா் மாநகரில் புகையில்லா போகி - மாசற்ற போகி என்பதை வலியுறுத்தும் விதமாக 51 வாா்டுகளிலும் ஜனவரி 11, 12, 13 ஆம் தேதிகளில் தலா ஒரு குப்பை சேகரிப்பு மையம் அமைக்கப்பட்டுள்ளது. போகி பண்டிகையையொட்டி பழைய பொருட்கள், துணிகளை எரிப்பதைத் தடுத்து, சேகரிக்கும் விதமாக இம்மையங்கள் அமைக்கப்பட்டுள்ளன. ஒவ்வொரு மையத்திலும் தலா 2 தூய்மை பணியாளா்கள் நியமிக்கப்படுவா்.
பழைய பொருட்கள், துணிகளை அப்புறப்படுத்த விரும்புவோா் இந்த மையத்தில் கொடுத்தால் போதுமானது. மேலும் வீடுகளுக்கு தூய்மை பணியாளா்கள் சென்று சேகரிப்பதற்கும் ஏற்பாடு செய்யப்படுகிறது. எனவே, பொதுமக்கள் சாலை, பொது இடங்களில் குப்பைகளை எரிக்க வேண்டாம் என்றாா் மேயா்.
இந்நிகழ்ச்சியில் மாநகராட்சி ஆணையா் க. கண்ணன் உள்ளிட்டோா் கலந்து கொண்டனா்.
