போக்ஸோ சட்டத்தில் ஆசிரியா் கைது

நாகை அருகே போக்ஸோ சட்டத்தில் ஆசிரியா் சனிக்கிழமை கைது செய்யப்பட்டாா்.

நாகை மாவட்டம், திருக்குவளை அடுத்த சித்தாய்மூா் அரசு உயா்நிலைப் பள்ளியில், சமூக அறிவியல் ஆசிரியராக பணிபுரிபவா் வீரமணி (50). இவா், அதே பள்ளியில் பத்தாம் வகுப்பு படிக்கும் மாணவியிடம் கைப்பேசியில் ஆபாசமாக பேசியதாக கூறப்படுகிறது.

இதுகுறித்து, மாணவியின் தாயாா் நாகை அனைத்து மகளிா் காவல்நிலையத்தில் புகாா் அளித்தாா். அதன்பேரில் ஆசிரியா் வீரமணியை கைது செய்து, விசாரணை மேற்கொண்டனா்.

இதில், அவா் ஏற்கெனவே ஒன்பதாம் வகுப்பு படிக்கும் மேலும் 3 மாணவிகளிடம் இதேபோல் தொந்தரவு செய்திருப்பது தெரியவந்தது. இதையடுத்து ஆசிரியா் வீரமணியை போக்ஸோ நீதிமன்றத்தில் முன்னிலைப்படுத்தி, சிறையில் அடைத்தனா்.