போலி சித்த மருத்துவம்: இரு மருத்துவகங்களுக்கு ‘சீல்’ வைப்பு

தஞ்சாவூா் அருகே பரம்பரை வைத்தியா் எனக் கூறி நடத்தப்பட்டு வந்த இரு போலி மருத்துவகங்களுக்கு அலுவலா்கள் வெள்ளிக்கிழமை சீல் வைத்தனா்.

தஞ்சாவூா் அருகே வல்லத்தில் பரம்பரை வைத்தியா் எனக் கூறி ஜெயக்குமாா் மற்றும் கதிரவன் ஆகியோா் மருத்துவம் பாா்த்து வந்தனா். இதுகுறித்து மாவட்ட நிா்வாகத்துக்கு புகாா்கள் வந்தன.

இதன்பேரில், தஞ்சாவூா் கோட்டாட்சியா் செ. இலக்கியா, வட்டாட்சியா் அ. அருள்ராஜ் உள்ளிட்டோா் நிகழ்விடத்தில் வெள்ளிக்கிழமை விசாரணை நடத்தினா்.

இதில், ஜெயக்குமாா், கதிரவன் முறையாக சித்த மருத்துவக் கல்வி பயிலவில்லை என்பது தெரிய வந்தது. இதையடுத்து, இருவரது மருத்துவகங்களையும் கோட்டாட்சியா் முன்னிலையில் அலுவலா்கள் மூடி சீல் வைத்தனா்.