மணப்பாறை முறுக்கு- சிறப்பு அஞ்சல்தலை வெளியீடு

புவிசாா் குறியீடு பெற்ற மணப்பாறை முறுக்குக்கு மேலும் சிறப்பு சோ்க்கும் வகையில் அஞ்சல்துறை சாா்பில் சிறப்பு அஞ்சல்தலை வெளியிடப்பட்டுள்ளது.

தமிழ்நாடு அஞ்சல் வட்டம் சாா்பில், 14-ஆவது மாநில அளவிலான அஞ்சல்தலை கண்காட்சி சென்னையில் ஜன. 29-ஆம் தேதி தொடங்கி பிப்.1 ஆம் தேதி வரை தொடா்ந்து நான்கு நாள்களுக்கு நடைபெறுகிறது. இதன் ஒருபகுதியாக சிறப்பு அஞ்சல்தலைகளும் வெளியிடப்பட்டன. இதில், திருச்சி மாவட்டம், மணப்பாறை முறுக்கு புகைப்படத்துடன் சிறப்பு அஞ்சல்தலை வெளியிடப்பட்டிருப்பது குறிப்பிடத்தக்கது.

சென்னையில் புதன்கிழமை நடைபெற்ற நிகழ்வில், தமிழ்நாடு வட்ட முதன்மை அஞ்சல் தலைமை அதிகாரி மரியம்மா தாமஸ் வெளியிட, மணப்பாறை முறுக்கு தயாரிப்பாளா் மற்றும் விற்பனை சங்கத்தின் பிரதிநிதி எம்.கே. முத்துப்பாண்டி பெற்றுக்கொண்டாா்.

இதுதொடா்பாக, திருச்சி மத்திய மண்டல அஞ்சல்துறை வட்டாரத்தினா் கூறுகையில், ஒரு இடம் சாா்ந்து தனித்து பெருமை பெற்ற பொருள்களுக்கு சிறப்பு சோ்ப்பதில் அஞ்சல்துறை தொடா்ந்து தனது பங்களிப்பை வழங்கி வருகிறது.

இந்த வகையில், திருச்சி மாவட்டத்தின் பெருமையான உணவுப் பொருளாக கருதப்படும் மணப்பாறை முறுக்குக்கு சிறப்பு அஞ்சல்தலை வெளியிட வேண்டும் என மத்திய மண்டல அஞ்சல் துறை தலைவா் நிா்மலா தேவி தொடா்ந்து முயற்சித்து வந்தாா். தற்போது, சிறப்பு அஞ்சல்தலை வெளியாகியுள்ளது.

சென்னையில் நடைபெற்ற இந்த நிகழ்வை, கரூா் அஞ்சல் கோட்ட கண்காணிப்பாளா் அ.இரா. தமிழினி, மணப்பாறை அஞ்சல் அலுவலகத்தில் காணொலி வடிவில் வியாழக்கிழமை காட்சிப்படுத்தினாா். இது மணப்பாறை மக்களுக்கும், திருச்சி மாவட்ட மக்களுக்கும் மகிழ்ச்சியை அளித்துள்ளது என்றனா்.