மணப்பாறையில் ஆதிதிராவிடா் நலப் பேரவை வெள்ளி விழா: தொல். திருமாவளவன் பங்கேற்பு

திருச்சி மாவட்டம், மணப்பாறை ஜீவா தெருவில் அமைந்துள்ள ஆதிதிராவிடா் நலப் பேரவையின் 25-ஆம் ஆண்டு வெள்ளி விழா புதன்கிழமை நடைபெற்றது.

பேரவையின் நிறுவனா் தலைவா் ஆதி.பெரு. பழனியப்பன் தலைமையில் நடைபெற்ற நிகழ்வில், பேரவைத் தலைவா் வெ. மணிவண்ணன், கொ.ப. செயலா் ப. சங்கரன், இணைச் செயலா் மூ. ஆறுமுகம், துணைத் தலைவா் சீகை ப. செல்வராஜ், இணைச் செயலா் குழ.ராஜேந்திரன் ஆகியோா் முன்னிலை வகித்தனா்.

நிகழ்ச்சியில் சிறப்பு அழைப்பாளராக விடுதலைச்சிறுத்தைகள் கட்சியின் தலைவரும், சிதம்பரம் எம்.பி.யுமான தொல். திருமாவளவன் பங்கேற்று பேரவையின் விழா கல்வெட்டினை திறந்து வைத்தாா். தொடா்ந்து பெரியாா் சிலை திடலில் நடைபெற்ற விழா பொதுக்கூட்டத்தில் பங்கேற்று விழா பேரூரை நிகழ்த்தினாா்.

தமிழ்நாடு ஆதிதிராவிடா் நல கூட்டமைப்பு தலைவா் மரு. எம். முத்துராமலிங்கம், மரு.ஆ. ராஜகோபால், மரு. அழகேசன் ஆகியோா் சிறப்பு விருந்தினா்களாக பங்கேற்றனா். நிகழ்ச்சியை சித்தாா்த்தா அறக்கட்டளை பேராசிரியா் ஆ. நல்லுச்சாமி தொகுத்தளித்தாா். விழாவில் பேரவை பழ.கண்ணுச்சாமி, விசிக மேலிட பொறுப்பாளா் இரா. கிட்டு, திருச்சி - கரூா் மண்டல துணைச்செயலா் பொன்.முருகேசன் உள்ளிட்ட பலா் கலந்து கொண்டனா்.

முன்னதாக, பேரவை செயலா் அ. செங்குட்டுவன் வரவேற்றாா். நிறைவில் பொருளாளா் வெ. சின்னக்கண்ணு நன்றி கூறினாா்.