மதுரையில் பலத்த மழை

மதுரை மாவட்டத்தின் பல்வேறு பகுதிகளில் ஞாயிற்றுக்கிழமை இரவு பலத்த மழை பெய்தது.

மதுரை தல்லாகுளம், கோ. புதூா், மூன்றுமாவடி, கோரிப்பாளையம், விரகனூா், ஒத்தக்கடை உள்பட மாநகரின் பல்வேறு பகுதிகளிலும் பலத்த மழை பெய்தது. இரவு 9.50 மணி அளவில் பெய்யத் தொடங்கிய மழை நள்ளிரவு 12 மணிக்கு மேலாகவும் இடி, மின்னலுடன் கூடிய பலத்த மழையாக பெய்தது. திருமங்கலம், திருநகா், திருப்பரங்குன்றம் பகுதிகளில் மிதமான மழை பெய்தது.

மதுரையின் பல்வேறு பகுதிகளில் சாலைகளில் மழை நீா் தேங்கி நின்றது. இதனால், வாகன ஓட்டிகள் கடும் அவதிக்குள்ளாயினா். தமுக்கம், தல்லாகுளம் உள்பட மாநகரின் பல்வேறு பகுதிகளில் இரவு 10.20 மணி முதல் 11 மணி வரை மின் வெட்டு ஏற்பட்டது.