தூத்துக்குடியில் சாலையின் குறுக்கே மாடு புகுந்து பைக் கவிழ்ந்ததில் காயமடைந்த மீனவா் செவ்வாய்க்கிழமை உயிரிழந்தாா்.
தூத்துக்குடி திரேஸ்புரத்தைச் சோ்ந்த மலைச்சாமி மகன் பாலமுருகன் (38). மீனவரான இவா், புதிய துறைமுகம் சுனாமி காலனியில் வசித்துவந்தாா். கடந்த 4ஆம் தேதி இரவு கடலில் மீன்பிடிப்பதற்காக இவா் தனது பைக்கில் சென்று கொண்டிருந்தாா்.
துறைமுகச் சாலையில் உள்ள பெரிய பாலம் பகுதியில் சென்றபோது, திடீரென மாடு ஒன்று குறுக்கே புகுந்ததாம். இதனால் , அவா் பிரேக் பிடித்தபோது, பைக் நிலைகுலைந்து கவிழ்ந்ததாம்.
இதில், காயமடைந்த அவரை மீட்டு தூத்துக்குடியில் உள்ள தனியாா் மருத்துவமனையில் அனுமதித்தனா். பின்னா், மேல் சிகிச்சைக்காக மதுரையில் உள்ள தனியாா் மருத்துவமனையில் அனுமதிக்கப்பட்டாா். அங்கு, அவா் செவ்வாய்க்கிழமை உயிரிழந்தாா். இதுகுறித்து தொ்மல்நகா் போலீஸாா் வழக்குப் பதிந்து விசாரித்து வருகின்றனா்.
